სამართალი

მარჯვენასაჭიანი ავტომობილები არ აიკრძალება

შინაგან საქმეთა მინისტრის მოადგილის შალვა ხუციშვილის განცხადებით, საგზაო მოძრაობის უსაფრთხოების შესახებ კანონპროექტთა პაკეტიდან შინაგან საქმეთა სამინისტრომ ის მუხლი ამოიღო, რომლითაც უნდა აკრძალულიყო ქვეყანაში მარჯვენასაჭიანი ავტომობილების შემოყვანა.

ამის შესახებ ხუციშვილმა მედიას პარლამენტში განუცხადა.

"პარლამენტმა დეკემბერში მიიღო საგადასახადო კოდექსში ცვლილებები, რამაც გარკვეულწილად გააძვირა განბაჟება და შეამცირა ის რისკები, რომ გაიზრდებოდა მარჯვენასაჭიანი ავტომობილების რაოდენობა, რის შედეგადაც გაუთანაბრდებოდა მარცხენასაჭიანებს. შესაბამისად, ჩვენ უფრო მკაცრ მიდგომებს აღარ მოვითხოვთ და ეს ნაწილი ამოღებული იქნება კანონპროექტიდან. არ აიკრძალება მარჯვენასაჭიანები, უბრალოდ, ვისაც უღირს იმ ფასად, შემოიყვანოს", -აღნიშნა შსს მინისტრის მოადილემ.

მისივე თქმით, პარლამენტში წარდგენილ კანონპროექტში კვლავ დარჩება ქულათა შემოღების სისტემა, ქულების ამოწურვისას მართვის მოწმობის შეჩერება და უკონტაქტო პატრულირება