უახლესი ამბები
არქივი
პოლიტიკა
მარგინალური პოლიტიკური პარტია „ნაციონალური მოძრაობა` დღეს არ არის აქტუალური და საინტერესო - კახა კალაძე
„მარგინალური პოლიტიკური პარტია „ნაციონალური მოძრაობა" დღეს არ არის აქტუალური და საინტერესო“, - ასე უპასუხა თბილისის მერმა, კახა კალაძემ ჟურნალისტების შეკითხვას ოპოზიციის შენიშვნასთან დაკავშირებით, რომელიც ბიუჯეტის არარაციონალურ ხარჯვაზე საუბრობს.
რაც შეეხება უშუალოდ ბიუჯეტს, კალაძის თქმით, ის გაზრდილია. მერის განცხადებით, თანხების მოძიება გახდა შესაძლებელი, რომელიც მოხმარდება 100 ახალი ევროპული ტიპის ეკოლოგიურად სუფთა ავტობუსების შემოყვანას.
„ეს არის ჩვენთვის მნიშვნელოვანი იმისთვის, რომ მგზავრების კომფორტი უზრუნველვყოთ, ასევე ჰაერის დაბინძურების თვალსაზრისით ყვითელი ავტობუსები არის პრობლემური. ჩვენ ვაპირებთ ეტაპობრივად ავტობუსების პარკის განახლებას. ასევე თანხები გადანაწილდება, რომ ავარიული ბაღების, საიდანაც მოხდა ბავშვების გამოყვანა, მოხდება მათი სრული რეაბილიტაცია", - განაცხადა კალაძემ.