საზოგადოება
დიდი ალბათობაა იმისა, რომ შემდეგი კვირების განმავლობაში კორონავირუსით ინფიცირებულთა მნიშვნელოვანი ზრდა გვექნება - მაია ცქიტიშვილი
დიდი ალბათობაა იმისა, რომ შემდეგი კვირების განმავლობაში ჩვენ გვექნება კორონავირუსით ინფიცირებულთა მნიშვნელოვანი ზრდა, – ამის შესახებ ვიცე-პრემიერმა, მაია ცქიტიშვილმა საკოორდინაციო საბჭოს სხდომის დასრულების შემდეგ განაცხადა.
როგორც მაია ცქიტიშვილმა აღნიშნა, ნებისმიერი თავყრილობა, ნებისმიერი შეკრება ადამიანების არის დამატებითი დადებითი მხარე, შესაძლებლობა ვირუსისთვის, რომ ის გავრცელდეს.
„როდესაც ჩვენ ვსაუბრობთ ისეთ ტიპის აქციები, სადაც ემოციები ჭარბობს, სადაც არ არის პირბადის ტარების წესი დაცული, ამ შემთხვევაში ეს ყველაფერი არის დამატებითი საფრთხე. ჩვენ ვნახეთ აჭარაში აქცია, რომლის შემდეგაც მოიმატა შემთხვევების რაოდენობამ. ჩვენ ვნახეთ ძალიან აქტიური წინასაარჩევნო პროცესი, მე არ ვგულისხმობ უშუალოდ არჩევნების დღეს, არამედ მთლიანად ამ მოძრაობას, აქციებს, რომლებიც მანამდე იყო. ჩვენ უკვე ვხედავთ ამის გავლენას ამ კვირის განმავლობაში. ვერანაირად ვერ გამოვრიცხავთ და დიდი ალბათობაა იმისა, რომ შემდეგი კვირების განმავლობაში ჩვენ გვქნება მნიშვნელოვანი ზრდა. ყველა მოქალაქეს, რომელიც გადაწყვეტს აქციაში მონაწილეობის მიღებას, ჩვენ არ ვუშლით არავის ხელს, რომ გამოხატონ თავისი მოქალაქეობრივი პოზიცია, მაგრამ ეს ყველაფერი უნდა გაკეთდეს ყველა წესის დაცვით. უნდა ვატაროთ პირბადე სულ, გარე სივრცეშიც და შიდა სივრცეშიც, დავიცვათ დისტანცია და აქციაზე ამ წესების დაცვა არის რთული“, – განაცხადა მაია ცქიტიშვილმა.