საზოგადოება
მარიკა ლორთქიფანიძის სახით ქვეყანამ დაკარგა დიდი მეცნიერი და საქართველოს ნამდვილი გულშემატკივარი - პრემიერი
საქართველოს პრემიერ-მინისტრმა გიორგი კვირიკაშვილმა ისტორიკოს მარიკა ლორთქიფანიძის გარდაცვალებასთან დაკავშირებით მწუხარება გამოთქვა.
როგორც მან სამძიმრის წერილში აღნიშნა, ქართველმა მეცნიერმა მთელი ცხოვრება მიუძღვნა ქვეყნის ისტორიის კვლევასა და ისტორიკოსთა არაერთი თაობის აღზრდა.
„დიდ მწუხარებას გამოვთქვამ სახელოვანი მეცნიერის, მარიკა ლორთქიფანიძის გარდაცვალების გამო.
ქალბატონმა მარიკამ მთელი ცხოვრება საქართველოს ისტორიის კვლევასა და ისტორიკოსთა არაერთი თაობის აღზრდას მიუძღვნა. მისი სახით ქვეყანამ დაკარგა დიდი მეცნიერი და საქართველოს ნამდვილი გულშემატკივარი.
სამძიმარს ვუცხადებ მარიკა ლორთქიფანიძის ოჯახს, ახლობლებს, ქართულ სამეცნიერო საზოგადოებასა და მთელ საქართველოს“, - დაწერა პრემიერმა.
ქართველი ისტორიკოსი, მეცნიერებათა ეროვნული აკადემიის წევრი მარიკა ლორთქიფანიძე 95 წლის ასაკში გარდაიცვალა.