უკან

საზოგადოება

9 ნოემბერი, 2016 15:25
font-size

მარიხუანას მოხმარება 13 წლამდე სკოლის მოსწავლეებს შორის დაახლოებით 11 %-ია - ლაშა კილაძე

საქართველოში მარიხუანას მოხმარება 13 წლამდე სკოლის მოსწავლეებს შორის დაახლოებით 11 %-ია, - აღნიშნულის შესახებ ნათქვამია თამბაქოს, ალკოჰოლის და სხვადასხვა ფსიქოტროპული ნივთიერების მოხმარებასთან დაკავშირებით დაავადებათა კონტროლის ცენტრის მიერ ჩატარებულ კვლევაში, რომელიც ჟურნალისტებს დღევანდელ პრესკონფერენციაზე ფსიქიკური ჯანმრთელობისა და ნარკომანიის პრევენციის ცენტრის ხელმძღვანელმა ლაშა კილაძემ გააცნო.

მისივე ინფორმაციით, ევროპულ ქვეყნებთან შედარებით, სასკოლო ასაკის მოზარდების ჯგუფში დიდი სხვაობაა ალკჰოლისა და თამბქაოს მოხმარების მხრივაც.

,,საქართველოში არის საგანგაშო სიგნალი, მარიხუანას მოხმარება 13 წლამდე სკოლის მოსწავლეებს შორის აღემატება 10%-ს, დაახლოებით 11 %-ია. ეს არის ჯგუფი, რომელსაც გაუსინჯავს და ჰქონია შეხება მარიხუანასთან. ნარკობაზარზე სხვა ტიპის პრეპარატებიცაა, რომლებიც საკმაოდ ინტენსიურად არის წარმოდგენილი ამ ასაკობრივ ჯგუფში.

ევროპასთან შედარებით ამ ასაკობრივ ჯგუფში საქართველოსთან მიმართებაში დიდი სხვაობაა თამბაქოსა და ალკოჰოლის მოხმარებაზე.

თამბაქოს მოხმარებით გამოწვეული მდგომარეობა ზოგადად აღემატება 30%-ს, ანუ გავრცელება არის საკმოდ მნიშვნელოვანი. ალკოჰოლის მოხმარებაც საშუალოდ ევროპულზე მაღალია და 40%-ს აღემატება.

რეალურად ჩვენ გვაქვს სურათი იმ ტენდენციისა, რომ უკვე დროა, ჩაერთოს შესაბამისი პრევენციის მექანიზმები, თუ უკვე დაგვიანებული არ არის’’, - განაცხადა კილაძემ.

მისივე თქმით, საზოგადოების გარკვეული ნაწილის მიერ დაკვეთილი ნარკოპოლიტიკასთან დაკავშირებული კანონმდებლობის ლიბერალიზაცია რისკისშემცველია, თუ არ იქნა სახელმწიფოს მხრიდან განხორცილებული შესაბამისი ზომები.

,,დღესავით არის ნათელი და ეს არის საზოგადოების მნიშვნელოვანი ნაწილის დაკვეთა, რომ საჭიროა, კანონმდებლობის გარკვეული სახით ლიბერალიზაცია მაგალითად, მარიხუანასთან დაკავშირებით. როგორც კი ლიბერალიზაციის პროცესები დაიწყება, რა თქმა უნდა, მარიხუანას მოხმარება მოიმატებს და მათ შორის მოიმატებს სწორედ იმ ასაკობრივ ჯგუფში, ვისზეც ვლაპარაკობდით ’’, - განაცხადა ლაშა კილაძემ.

ფსიქიკური ჯანმრთელობისა და ნარკომანიის პრევენციის ცენტრის ხელმძღვანელი საგანმანათლებლო და საინფორმაციო მიმართულებით პრევენციული მექანიზმების გატარების აუცილებლობაზე საუბრობს.

,,მარიხუანა არ არის უვნებელი და ტკბილი სათამაშო, რომელსაც სარგებლობა მოაქვს მხოლოდ ან პოპულარული, გავრცელებული ინფორმაციის მიხედვით, სამკურნალო ნიშან-თვისებები აქვს. ეს არის საკმაოდ საშიში ნარკოტიკი იმ კუთხით, რომ შეიცავს ძალიან ბევრ რისკს, რისკს დამოკიდებულების გაჩენისა.მითია, თითქოს მარიხუანა არ იწვევს დამოკიდებულებას. ხაზგასმით მინდა გითხრათ, რომ ინტენსიური მოხმარების ფონზე იწვევს რთულად შესაქცევ პროცესებს. მარიხუანა იწვევს ფსიქიკურ აშლილობას, ის არის ისეთი ნარკოტიკული საშუალება, რომელიც იწვევს დამოკიდებულებას, ამიტომ კანონის მიღების დროს უნდა შეფასდეს რისკები.

ადამიანები ციხეში არ უნდა ხვდებოდნენ მარიხუანას მოხმარებისთვის, მაგრამ არც კვარცხლბეკზე არ უნდა აგვყავდეს და ტაშს არ უნდა ვუკრავდეთ,“-განაცხადა ლაშა კილაძემ.

ნინო ექვთიმიშვილი

მოვითხოვთ პარლამენტმა დაუყონებლივ აკრძალოს გვამებით ვაჭრობა და დაჩქარებული წესით მიიღოს ჩვენი კანონპროექტი - ლაშა ჩხარტიშვილი

20 აპრილი, 2019 , 16:45

დღეს, „ლეიბორისტული პარტიის“ ერთ–ერთმა ლიდერმა ლაშა ჩხარტიშვილმა, პარლამენტში „შრომის უსაფრთხოების შესახებ“ კანონში ცვლილებების შეტანის შესახებ, მის მიერ მომზადებული კანონპროექტი გამაფრთხილე

გარემოს დაცვისა და სოფლის მეურნეობის სამინისტრო ბზობის დღესასწაულთან დაკავშირებით მოსახლეობას მიმართავს

20 აპრილი, 2019 , 14:50

გარემოს დაცვისა და სოფლის მეურნეობის სამინისტრო ბზობის დღესასწაულთან დაკავშირებით მოსახლეობას მიმართავს. უწყებაში აცხადებენ, რომ ქვეყნის ტერიტორიაზე ბზის ხმობა ბოლო რამოდენიმე წელიწადია განსაკუთრებულ პრობლემას წარმოადგენ

მთაწმინდელებში ცალსხად ერთი განწყობაა, ხელისუფლება უნდა შეიცვალოს - შალვა შავგულიძე

20 აპრილი, 2019 , 12:15

ბლოკ „ევროპული საქართველო – თავისუფალი დემოკრატების“ მაჟორიტარი დეპუტატობის კანდიდატი შალვა შავგულიძე ამომრჩევლებს ხვდება. შალვა შავგულიძე პეტრიაშვილის ქუჩის მცხოვრებლებს შეხვდა. როგორც „ევროპული

მართლმადიდებელი ეკლესია დღეს ლაზარეს შაბათს აღნიშნავს

20 აპრილი, 2019 , 11:12

მართლმადიდებელი ეკლესია დღეს ლაზარეს შაბათს აღნიშნავს. ამასთან დაკავშირებით ტაძრებში წირვა-ლოცვა შესრულდება. წმინდა სახარების მიხედვით, უფალმა მისი მეგობარი, ოთხი დღის მკვდარი ლაზარე მკვდრეთით აღადგინა. ლაზარეს შაბათს სრ

ნინო ანანიაშვილი ევროპა ნოსტრას პრეზიდენტი გახდა

20 აპრილი, 2019 , 10:20

თბილისის ოპერისა და ბალეტის თეატრის ბალეტის სამხატვრო ხელმძღვანელი ნინო ანანიაშვილი ევროპა ნოსტრას საპატიო პრეზიდენტად აირჩიეს. „ჩემთვის დიდი პატივია ვიყო ევროპა ნოსტრას პრეზიდენტი საქართველოში. ევროპა ნოსტრას პრეზ

საქართველოს მთავრობამ ოკუპირებულ ტერიტორიებზე მცხოვრები ახალგაზრდებისთვის საგანმანათლებლო პროგრამა დაიწყო

19 აპრილი, 2019 , 15:40

საქართველოს მთავრობამ დაიწყო საგანმანათლებლო პროგრამა ოკუპირებულ ტერიტორიებზე მცხოვრები ახალგაზრდებისთვის. საკითხი დღეს მთავრობის სხდომაზე განიხილება. საქართველოს პრემიერ-მინისტრის, მამუკა ბახტაძის განცხადებით, მიმდინარე

ვიდეო გალერეა

ნატო ჩხეიძე ინგა გრიგოლიასთან `რეაქციაში` - 07.03.2019