უახლესი ამბები
- 23.04.2024 17:34კონტრაქცია ნიშნავს, რომ „ქართული ოცნების“ ბოლო ჟამია - სოფო ჯაფარიძე
- 23.04.2024 17:26კანონზე მსჯელობენ პოლიტიკური პარტიები პარლამენტში და არა ვიღაც გარედან, თუნდაც პარტნიორი, ოპოზიციამ კეთილი უნდა ინებოს და დაამტკიცოს, რომ კანონი არ არის კარგი - ირაკლი კობახიძე
- 23.04.2024 17:21ბიზნესი მხარს უჭერს „ქართულ ოცნებას“, ხელისუფლებას, იქიდან გამომდინარე, რომ ჩვენი უმთავრესი მიღწევა ამ ქვეყანაში არის ბიზნესის რეკეტის ერთხელ და სამუდამოდ დასრულება - ირაკლი კობახიძე
- 23.04.2024 15:47ჩემი აზრით, ის ხალხი, რომელიც ჩამოდის აქციაზე, ყველაზე საცოდავი ხალხია – იაგო ხვიჩია
- 23.04.2024 15:39საქართველოს ბანკის მხარდაჭერით, საქართველოში KIABI – ს პირველი ფილიალი გაიხსნა
არქივი
საზოგადოება
MDF: სატელევიზიო მედიის შემოსავლები 10,8 მლნ ლარით გაიზარდა
არასამთავრობო ორგანზიაცია მედიის განვითარების ფონდმა (MDF) 2016 წელს მედიის ფინანსური შემოსავალი, ასევე მედიაში ინფორმაციისა და რეკლამის გავრცელების მიზნით საბიუჯეტო სახსრების განაწილების პრაქტიკა შეისწავლა.
კვლევის მიხედვით დადგინდა, რომ 2015 წელთან შედარებით 2016 წელს სატელევიზიო მედიის შემოსავლები 10,8 მლნ ლარით გაიზარდა.
„ბაზარზე კვლავ დომინირებდა რუსთავი 2, რომელსაც მეორე ადგილზე მყოფი ტვ “იმედი” 16,2%-ით ჩამორჩებოდა. მიუხედავად დიდი ნაციონალური არხების შემოსავლების ზრდის ტენდენციისა, მათი წილი ბაზარზე წინა წლებთან შედარებით შემცირდა, რადგან სარეკლამო თანხების სხვა მცირე მოთამაშეებზე გადანაწილება მოხდა. მაღალი შემოსავლების მქონე ტელევიზიებიდან ტვ “ობიექტივი” ერთადერთია, რომლის შემოსავლის დიდ წილს, 38,3% შემოწირულობები შეადგენს“,-ნათქვამია ანგარიშში.
რაც შეეხება რადიოებს, კვლევის თანახმად, 2016 წელს მათმა შემოსავალმა 2015 წელთან შედარებით 1,2 მლნ ლარით იკლო.
ამასთან, 2016 წელს 2015 წელთან შედარებით მედია საშუალებებთან საბიუჯეთო ორგანიზაციების მიერ გაფორმებული ხელშეკრულებების ღირებულება 2 970 119 ლარით შემცირდა, თუმცა, თითქმის გაორმაგდა ონლაინ მედიასთან გაფორმებული ხელშეკრულებების ღირებულება.
ტელევიზიებიდან ყველაზე დიდი ღირებულების ხელშეკრულება რუსთავი 2-თან და თითქმის იდენტური “იმედთან” გაფორმდა, რეგიონულებიდან ქვემო ქართლის ტელევიზიასთან.
რადიოებიდან სიბიუჯეტო კონტრაქტების მხრივ ლიდერობს “იმედი”, ხოლო ონლაინ მედიიდან “პალიტრა მედია” ჰოლდინგში შემავალი გამოცემები.
ბეჭდვით მედიაშიც ყველაზე მეტი ღირებულების საბიუჯეტო კონტრაქტი პალიტრა ჰოლდინგში შემავალ გაზეთ “კვირის პალიტრასთან” გაფორმდა, რომელსაც “რეზონანსი” მოსდევს, ხოლო რეგიონული მედიიდან ლიდერობს “ლიტერატურული მესხეთი”.
ონლაინ და ბეჭდურ მედიაში დაფინანსებული შინაარსის სარედაქციო მასალებისგან გამიჯვნა უმეტეს შემთხვევებში არ ხდება. რეგიონულ ტელევიზიებთან გაფორმებული ზოგიერთი კონტრაქტი კი სარედაქციო დამოუკიდებლობაში ჩარევის ფორმალიზებას წარმოადგენს.
„საბიუჯეტო ორგანიზაციები აგრძელებენ კონტრაქტების გაფორმებას ისეთ მედიებთან, რომლებიც სიძულვილის ენას და ანტიდასავლურ განწყობებს აღვივებენ. წინა პერიოდისგან განსხვავებით, 2016 წელს კონტრაქტორთა შორის ღიად პრორუსული გამოცემა “თბილისი 24” აღმოჩნდა, რომელიც პრორუსულ პარტია “ცენტრისტებთან” დაკავშირებული ორგანიზაციაა. აღნიშნულ გამოცემაში საინფორმაციო კამპანიას სასჯელაღსრულებისა და პრობაციის სამინისტრო ახორციელებს“,-ნათქვამია MDF-ის კვლევაში.
ანგარიში ეყრდნობა დოკუმენტების ანალიზს, საჯარო დაწესებულებებიდან გამოთხოვილ ოფიციალურ ინფორმაციას, კომუნიკაციების მარეგულირებელი კომისიის ვებ-გვერდსა და სახელმწიფო შესყიდვების სააგენტოს ელექტრონულ მონაცემთა ბაზაში ხელმისაწვდომ დოკუმენტაციას, ასევე მედიით გავრცელებულ ცნობებს.
მონიკა დავლიანიძე