უახლესი ამბები
- 18.04.2024 19:05ღრმად იმედგაცრუებულები ვართ საქართველოს პარლამენტის გადაწყვეტილებით კრემლის მიერ შთაგონებული კანონპროექტის დაინიცირების გამო - მეთიუ მილერი
- 18.04.2024 18:29“ვაცხადებთ სრულ კოორდინაციასა და მობილიზაციას კანონის მეორე მოსმენით განხილვის დღისთვის” - ექვსი ოპოზიციური პარტია ერთობლივ განცხადებას ავრცელებს
არქივი
პოლიტიკა
მე არ მომწონს ეს გადაწყვეტილება, თუმცა ამ ნაბიჯით შეგიძლიათ მიხვდეთ, რატომ დავტოვე`რესპუბლიკური პარტია“ - თინა ხიდაშელი
თავდაცვის ყოფილი მინისტრის, თინათინ ხიდაშელის თქმით, მას არ მოსწონს, რომ „რესპუბლიკური პარტია“ არჩევნების მეორე ტურში გრიგოლ ვაშაძეს უჭერს მხარს. „კვირის პალიტრასთვის“ მიცემულ ინტერვიუში მან თქვა, რომ „ნაციონალური მოძრაობისთვის“ ახლა მნიშვნელოვანია, რომ მას მხარს უჭერდეს ისეთი პარტია, რომელიც ადრე მწვავედ აკრიტიკებდა.
„ნაცმოძრაობას სჭირდება, ასე ვთქვათ, „გარეცხვა“ იმით, რომ ვინც მისი ოპოზიციის წინა ხაზზე იყვნენ, მათ უნდა დაუჭირონ მხარი. ამიტომ მათთვის ძალიან მნიშვნელოვანია, რომელიმე ასეთი პარტია მათ გვერდში დაუდგეს და ამიტომ არის, რომ სააკაშვილი დღეს „რესპუბლიკელებს“ პირდაპირი მნიშვნელობით 24-საათიან რეჟიმში ეფერება. მე ამ პარტიიდან წასვლის დღიდან ვთქვი, რომ მათზე არ გავაკეთებდი კომენტარს, მიუხედავად იმისა, რაც უნდა თქვან, თუმცა, სამწუხაროდ, ბევრი ცუდი რამ თქვეს ჩვენზე, მაგრამ მე პატივს ვცემ იმ 12 წელს, რომელიც მათთან ერთად გავატარე და ნამდვილად არ ვაპირებ მათთან სპარინგის რეჟიმში ჩართვას. მე არ მომწონს ეს გადაწყვეტილება, მაგრამ არ მიკვირს. პრინციპში, მათი ამ ნაბიჯით შეგიძლიათ მიხვდეთ, რატომ დავტოვე"რესპუბლიკური პარტია“, - განაცხადა ხიდაშელმა.