უკან

სამართალი

24 იანვარი, 2018 13:00
font-size

მე არ მქონია განცდა, რომ სასამართლოს ფანჯარას ვესროლე, მე მქონდა განცდა, რომ უსამართლობის კერას ვესროლე - ბექა წიქარიშვილი

თბილისის საქალაქო სასამართლოში „თეთრი ხმაურის“ მოძრაობის წევრის, ბექა წიქარიშვილის სასამართლო პროცესი მიმდინარეობს. სამოქალაქო აქტივისტს ბრალი აქვს წაყენებული ადმინისტრაციულ სამართალდარღვევათა კოდექსის სამი მუხლით, რაც გულისხმობს ხულიგნობას, სხვისი ნივთის დაზიანებასა და სამართალდამცავებისადმი დაუმორჩილებლობას.

როგორც თავად წიქარიშვილმა ჟურნალისტებს განუცხადა, მისი ქმედება იყო გამოწვეული მოსამართლე შორენა გუნცაძის გადაწყვეტილებით. გუნცაძემ გუშინ მსახიობ გიორგი გიორგანაშვილს („ბახალას“) 8 -წლიანი პატიმრობა მიუსაჯა.

„თეთრი ხმაურის“ მოძრაობის წევრმა გუნცაძის განაჩენი შეადარა მოსამართლე ბადრი შონიას გადაწყვეტილებას, რომელმაც კლუბ „ბასიანში“ სამი კაცის დაჭრაში ბრალდებული თამაზ ქვლივიძე 30 000-ლარიანი გირაოს სანაცვლოდ გაათავისუფლა.

„ჩემი გუშინდელი ქმედება პროტესტით იყო გამოწვეული, აღელვებითა და იმ გადაწყვეტილებით, რომელიც „ბახალას“, გიორგი გიორგანაშვილის მიმართ სასამართლომ გამოიტანა, ანუ უსამართლო გადაწყვეტილებით. მე არ მქონია განცდა, რომ სასამართლოს ფანჯარას ვესროლე, მე მქონდა განცდა, რომ უსამართლობის კერას ვესროლე. „ბახალას“ განაჩენი არის სასამართლოს კიდევ ერთი სირცხვილი. შორენა გუნცაძეს შეუძლია, ჩაეწეროს ბადრი შონიას რიგში იმიტომ, რომ ბოლო დროს გამოიკვეთა სასამართლოს ორი სამარცხვინო სახე“,- განაცხადა წიქარიშვილმა.

სამოქალაქო აქტივისტის ადვოკატის, ანა ნასრაშვილის თქმით, საქმეს ართულებს ის გარემოება, რომ ადმინისტრაციულ სამართალდარღვევაზე სასამართლო პროცესის პარალელურად მიმდინარეობს სისხლის სამართლის წესით გამოძიება.

„თეთრი ხმაურის“ მოძრაობის წევრი მსახიობ თორნიკე ბზიავასთან ერთად გიორგი გიორგანაშვილის მიმართ გამამტყუნებელი განაჩენის გამოცხადების შემდეგ მანდატურის სამსახურის თანამშრომლებმა დააკავეს. სამართალდამცველთა ინფორმაციით, სასამართლოს ეზოში გასვლის შემდეგ, ერთ-ერთი მათგანი სიტყვიერ შეურაცხყოფას აყენებდა სასამართლოს, ხოლო მეორემ შენობის მიმართულებით ისროლა აგური, რის შედეგადაც ჩაიმსხვრა ცენტრალური შემოსასვლელის მინა.

ბზიავა წესრიგის დარღვევისთვის 500 ლარით დაჯარიმდა, ხოლო წიქარიშვილი დიღმის სამმართველოში წინასწარი დაკავების იზოლატორში გადაიყვანეს.

რაც შეეხება „ბახალას“ სასამართლო პროცესს, თბილისის საქალაქო სასამართლოს მოსამართლემ შორენა გუნცაძემ მსახიობ გიორგი გიორგანაშვილს, იმავე „ბახალას“, 8 წლით თავისუფლების აღკვეთა მიუსაჯა.

გიორგანაშვილს ბრალი განსაკუთრებით დიდი ოდენობით ნარკოტიკული საშუალების პირადი მოხმარების მიზნით შეძენა-შენახვაში ედებოდა.

პოლიციამ თავისუფლების უკანონო აღკვეთისა და ჯგუფური ძალადობის ბრალდებით 5 პირი დააკავა

5 ივლისი, 2020 , 10:52

შინაგან საქმეთა სამინისტროს ცნობით, აჭარისა და გურიის პოლიციის დეპარტამენტების თანამშრომლებმა, ერთობლივად ჩატარებული ოპერატიულ-სამძებრო და საგამოძიებო მოქმედებების შედეგად, ხუთი პირი: 1996 წელს დაბადებული ი.ლ., 2001 წელს

ფოთში მკვლელობის ფაქტთან დაკავშირებით სამი პირი დააკავეს

4 ივლისი, 2020 , 17:31

შინაგან საქმეთა სამინისტროს სამეგრელო-ზემო სვანეთის პოლიცის დეპარტამენტის თანამშრომლებმა განზრახ მკვლელობის, თავისუფლების უკანონო აღკვეთის ბრალდებით სამი პირი დააკავეს. სამინისტროს ინფორმაციით, დანაშაული შვიდიდან 15 წლამ

თბილისში უკანონო სახერხი საამქრო გამოავლინეს

4 ივლისი, 2020 , 10:50

გარემოს დაცვისა და სოფლის მეურნეობის სამინისტროს გარემოსდაცვითი ზედამხედველობის დეპარტამენტის თანამშრომლებმა, ქალაქ თბილისში, ისანი-სამგორის რაიონში, დაურეგისტრირებელი სახერხი საამქრო გამოავლინეს. მოქალაქეს, ტერიტორიაზე

გერმანიამ წამებისთვის ძებნილი დავით ჭაკუას ქართული მართლმსაჯულებისთვის გადმოცემის გადაწყვეტილება მიიღო

3 ივლისი, 2020 , 14:45

გერმანიამ წამებისთვის ძებნილი სასჯელაღსრულების დეპარტამენტის ყოფილი უფროსის, დავით ჭაკუას ქართულ მართლმსაჯულებისთვის გადმოცემის გადაწყვეტილება მიიღო. სასჯელაღსრულების დეპარტამენტის ყოფილი უფროსის, ბაჩო ახალაიას ყოფილი მო

სვანეთში ცეცხლსასროლი იარაღის შეძენა-შენახვის ბრალდებით ერთი პირი დააკავეს

3 ივლისი, 2020 , 11:30

ცეცხლსასროლი იარაღის მართლსაწინააღმდეგო შეძენა-შენახვის ბრალდებით ერთი პირი დააკავეს. დანაშაული 3-დან 6 წლამდე ვადით თავისუფლების აღკვეთას ითვალისწინებს. "შინაგან საქმეთა სამინისტროს სამეგრელო ზემო-სვანეთის პოლიციის დეპა

ქრთამის აღების ფაქტზე სურსათის ეროვნული სააგენტოს თბილისის საქალაქო სამსახურის უფროსი ინსპექტორი დააკავეს

3 ივლისი, 2020 , 11:30

საქართველოს ფინანსთა სამინისტროს საგამოძიებო სამსახურის თანამშრომლებმა, გატარებული ოპერატიულ - სამძებრო ღონისძიებებისა და საგამოძიებო მოქმედებების შედეგად, ქრთამის აღების ფაქტზე, სსიპ სურსათის ეროვნული სააგენტოს თბილისის

პირდაპირი TV

daily calendar

ვიდეო გალერეა

ამ პარტიაში ვარ პოლიტიკური ლიდერი, ვფიქრობ პოლიტიკური ლიდერობით აქედან უფრო მივაწვდენ ხმას ყველას, ვიდრე ვყოფილიყავი დიდი გაერთიანების ერთერთი წევრი - ნატო ჩხეიძე