პოლიტიკა

მე ესეთი გაბრაზებული ბიძინა ივანიშვილი არ მინახავს დიდი ხანია - ზაქარია ქუცნაშვილი

საპარლამენტო უმრავლესობის წევრმა ზაქარია ქუცნაშვილმა გუშინ „ქართული ოცნების“ ცენტრალურ ოფისში გამართული პოლიტსაბჭოს შეხვედრის დეტალებზე ისაუბრა. დეპუტატმა აღიარა, რომ „ქართული ოცნების“ თავმჯდომარე, ბიძინა ივანიშვილი ძალიან გაბრაზებული იყო.

„ერთი, რაც შემიძლია თამამად ვთქვა, მე ესეთი გაბრაზებული ბიძინა ივანიშვილი არ მინახავს დიდი ხანია, ცხარე დისკუსია მიდიოდა. ვის რა პოზიცია ეკავა, ჰკითხეთ თითოულ დეპუტატს“, -განაცხადა ქუცნაშვილმა ტვ პირველის ეთერში.

ჟურნალისტ დიანა ტრაპაიძის კითხვაზე, გულისხმობდა თუ არა ქუცნაშვილი იმას, რომ ივანიშვილი პრემიერ-მინისტრ გიორგი კვირიკაშვილზეა გაბრაზებული, დეპუტატმა უპასუხა, რომ ის არ ჩაერეოდა მათ ურთიერთობებში.