კომენტარი

მე მაქვს განწყობა რომ საღამოს 8 საათზე ამომრჩეველს გავაოცებთ - გიორგი ვაშაძე

„ერთობა-ახალი საქართველოს“ თბილისის მერობის კანდიდატმა, გიორგი ვაშაძემ საკუთარი არჩევანი თბილისის #4 საარჩევნო უბანზე, ჭავჭავაძის გამზირზე უნივერსიტეტის მეხუთე კორპუსში დააფიქსირა.

გიორგი ვაშაძე ხმის მისაცემად ოჯახთან ერთად მივიდა.

„მე ვფიქრობ, რომ ამ არჩევნებზე იქნება ბევრი სიურპრიზი და ბევრი სიახლე, მე მაქვს განწყობა რომ საღამოს 8 საათზე ამომრჩეველს გავაოცებთ. ყველანი არჩევნებზე, რაც მთავარია,“- განაცხადა გიორგი ვაშაძემ.

მერობის კანდიდატის საარჩევნო უბანზე ყოფნის დროს მცირე ინციდენტსაც ჰქონდა ადგილი, რამდენიმე ამომრჩეველმა სიაში საკუთარი თავი ვერ იპოვა.

ნინო ექვთიმიშვილი