უკან

დღის კალენდარი

ანონსები

არქივი

პოლიტიკა

27 ივლისი, 2017 13:00
font-size

მე მიყვარს უკრაინა მთელი გულით და გავაგრძელებ ბრძოლას ყველა წინაღობის მიუხედავად - მიხეილ სააკაშვილი

საქართველოს ექს-პრეზიდენტი და ოდესის ყოფილი გუბერნატორი მიხეილ სააკაშვილი გუშინ გავრცელებულ ინფორმაციას გამოეხმაურა, რომ მას უკრაინის მოქალაქეობა ჩამოართვეს.

როგორც სააკაშვილმა ვიდეომიმართვაში განაცხადა, მოქალაქეობის ჩამორთმევა უკრაინის პრეზიდენტ პეტრო პოროშენკოსა და საქართველოს ყოფილი პრემიერ-მინისტრ ბიძინა ივანიშვილის გადაწყვეტილებაა, რომელიც პოროშენკოს საქართველოში ვიზიტის დროს მიიღეს.

სააკაშვილის თქმით, მოქალაქეობის წასართმევად პოროშენკომ სპეციალურად შეცვალა მოქალაქეობის გამცემი კომიტეტის შემადგენლობა.

საქართველოს ექს-პრეზიდენტის თქმით, ის უკრაინის მოქალაქეობისთვის იბრძოლებს და ლტოლვილის სტატუსს არ დათანხმდება.

„მე უბრალო უკრაინელი ვარ! დღეს მე იმ მიდგომის მსვერპლი გავხდი, რასაც იყენებენ უკრაინელი პროკურორები თუ ბიუროკრატები ჩვეულებრივი უკრაინელების წინააღმდეგ, რომელთა უფლებებსაც ფეხქვეშ თელავენ.

მე 13 წელზე მეტია უკრაინაში ვცხოვრობ, სამ რევოლუციაში მიმიღია მონაწილეობა, სამივე მათგანი უკრაინაში, 1991 წლის „გრანიტის“ რევოლუციასა და ორივე მეიდანში. მე მხოლოდ ერთი მოქალაქეობა მაქვს და ის უკრაინისაა და ამას ვერ ჩამომართმევენ.

ცდილობენ, ლტოლვილად მაქციონ. ეს არ მოხდება. მე არსად არ დავრჩები და სტატუსს არ შევიცვლი. მე ვიბრძოლებ ჩემი კანონიერი უფლებისთვის უკრაინაში დასაბრუნებლად.

პოროშენკომ გადაწყვიტა, რომ მოქალაქეობა ჩამომართვას მზაკვრული გზით, მაშინ, როცა ქვეყანაში არ ვიმყოფები.

როგორც კი ხელისუფლებამ გაიაზრა, რომ ოპოზიცია ერთიანდება ქუჩაში გამოსასვლელად შემოდგომაზე, რათა ბოლო მოუღოს მათ ოლიგარქიულ მმართველობას, მათმა შიშმა გონება დაძლია! პრეზიდენტმა პოროშენკომ მიაფურთხა კონსტიტუციას, რომლის გარანტი უნდა იყოს.

პოროშენკო საქართველოში ჩავიდა არა იმიტომ რომ დაემყარებინა კავშირი ორ ქვეყანას შორის, არამედ შეთანხმების მისაღწევად ორ ოლიგარქიულ რეჟიმს შორის, უკრაინელ პოროშენკოსა და გაზპრომის უდიდესი აქციონერის პრო-რუს ივანიშვილს შორის.

მათ მოიფიქრეს ახალი მტკიცებულებები ჩემს საქმეში, რომელიც მიაწოდეს უკრაინის გენერალურ პროკურატურას, მაგრამ ეს მორიგი ტყუილია. მას შემდეგ, რაც უკრაინის მოქალაქეობა მივიღე, ვერაფერი ახალი ვერ წამოიწყეს ჩემ წინააღმდეგ საქართველოში. ძველი ფალსიფიცირებული საქმეები და ბრალდებები საქართველოს გარდა არსად არ იყო აღიარებული.

ორი დღის შემდეგ ეს პრეზიდენტი, რომელზეც მეიდანმა იმედები დაამყარა, შეცვალა მოქალაქეობის კომიტეტის შემადგენლობა. 24 ივლისს მან ახალი ადამიანები დანიშნა კომისიაში იმისათვის, რომ ისინი მთლიანად დაემორჩილონ პრეზიდენტის ნებისმიერ კაპრიზს.

კარგი, პეტრო ალექსეის ძევ პოროშენკო, მხოლოდ იმის თქმა შემიძლია, რომ ცუდი მრჩევლები გყავს.
ეს გადაწყვეტილება, რაც მიიღე, არის შენი და შენი ხელისუფლების გამოუსწორებელი შეცდომა. თუკი მანამდე იმაზე ფიქრობდი, რომ შემდეგ არჩევნებამდე გაგეტანა თავი, ახლა მხოლოდ ამაზე უნდა იოცნებო.

დღეს შენ, პეტრო ალექსეის ზევ პოროშენკომ, წითელი ხაზი გადაკვეთე. დღეს მთელმა ქვეყანამ გაიგო შენი „ახლებურად ცხოვრების“ დაპირებების ფასი. ახლა ეჭვგარეშეა, რომ შენი წინამორბედივით შეეცდები, ყველა ხერხით დარჩე ხელისუფლებაში. შეიძლება, სცადო, მაგრამ გახსოვდეს, რუსეთში გელოდებიან. უკრაინელებმა ორჯერ მოიშორეს ეს ჭირი და იქამდე არ გაჩერდებიან, სანამ ნაღდი პოლიტიკოსები არ მოვლენ ხელისუფლებაში.

მე ავიღე უკრაინის მოქალაქეობა, რათა ვიბრძოლო რეფომრებისთვის, რათა ვიბრძოლო უკრაინის წარმატებული მომავლისთვის, რაზეც ასევე დამოკიდებულია ჩემი მშობლიური საქართველოს ბედიც. ჩემთვის მოქალაქეობა ცარიელი დატვირთვის მატარებელი არ არის. ყოველ დღე, როცა მე უკრაინის მოქალაქის პასპორტი მეჭირა ხელში, ძალიან ბევრს ვმუშაობდი, რათა უკრაინა ქცეულიყო წარმატებულ ევროპულ სუპერ სახელმწიფოდ.

მე უფრო უკრაინელი ვარ, ვიდრე ამჟამინდელი დეპუტატები. მე მიყვარს უკრაინა მთელი გულით და მე გავაგრძელებ ბრძოლას აქ, ჩვენს უკრაინაში, ყველა წინაღობის მიუხედავად“, - განაცხადა სააკაშვილმა.

ანა მებურიშვილი

ჩვენ აუცილებლად მივმართავთ როგორც სასამართლოს პატივისა და ღირსების შელახვისთვის, ასევე პროკურატურას - თაღლითობის ნაწილში - დიმიტრი ქუმსიშვილი „ომეგა ჯგუფის“ საქმეზე

21 სექტემბერი, 2018 , 17:45

ეკონომიკისა და მდგრადი განვითარების ყოფილი მინისტრი დიმიტრი ქუმსიშვილი გამოეხმაურა „ომეგა ჯგუფის“ საქმეზე გამოქვეყნებულ მორიგ ჩანაწერს, რომელშიც მისი გვარიც ფიგურირებს. ყოფილი მინისტრის შეფასებით, მისი გვარი

საპრეზიდენტო არჩევნებისთვის უწყებათაშორისმა კომისიამ რეკომენდაცია გამოსცა

21 სექტემბერი, 2018 , 17:35

უწყებათაშორისმა კომისიამ თავისუფალი და სამართლიანი არჩევნებისთვის 20 სექტემბრის  სხდომაზე  რეკომენდაცია გამოსცა. აკისრია რა პასუხისმგებლობა, ხელი შეუწყოს 2018 წლის საპრეზიდენტო არჩევნების გამჭვირვალე და სამართლ

როგორც წესია და რიგია, ლევან ყიფიანსაც არ დაკითხავენ და ძალიან რბილად მოექცევიან - ნატო ჩხეიძეს გამოძიების იმედი არ აქვს

21 სექტემბერი, 2018 , 16:00

პარლამენტის დეპუტატი  ნატო  ჩხეიძე „ომეგა ჯგუფის“ საქმეზე გავრცელებულ მორიგ ჩანაწერს გამოეხმაურა. ჩხეიძის თქმით, მას არ აქვს იმედი, რომ საქმეს სათანადოდ გამოიძიებენ. „მე ვფიქრობ, რომ როგორც წე

თეა წულუკიანი ევროპის საბჭოს წამების პრევენციის კომიტეტის დელეგაციასშეხვდა

21 სექტემბერი, 2018 , 15:15

საქართველოს იუსტიციის მინისტრმა თეა წულუკიანმა ევროპის საბჭოს წამების, არაადამიანური და ღირსების შემლახველი მოპყრობისა თუ დასჯის პრევენციის ევროპული კომიტეტის (CPT) დელეგაცია მიიღო. დელეგაციას კომიტეტის პრეზიდენტი მიკოლა

ნატო-ს პოზიცია მყარი და ნათელია, რომ საქართველო გახდება ალიანსის წევრი - როუზ გოტემოლერი

21 სექტემბერი, 2018 , 14:30

ნატო-ს ძალიან მჭიდრო თანამშრომლობა აკავშირებს საქართველოსთან, საქართველო ჩვენი ერთ-ერთი მთავარი პარტნიორია, – ამის შესახებ ნატო-ს გენერალური მდივნის მოადგილე როუზ გოტემოლერმა თბილისის სახელმწიფო უნივერსიტეტში საჯარ

პარლამენტი თბილისში სრულად დაბრუნდება, ქუთაისში მდებარე შენობა კი, სავარაუდოდ შს სამინისტროს გადაეცემა

21 სექტემბერი, 2018 , 14:30

საქართველოს პარლამენტი პლენარული სხდომების ფორმატში საქმიანობას მომავალი წლის იანვრიდან სავარაუდოდ, დედაქალაქში გააგრძელებს.პირველი არხის ინფორმაციით, მმართველ გუნდში უკვე მიღებულია გადაწყვეტილება, რომ საკანონმდებლო ორგა

ვიდეო გალერეა

შეტევა ტელეკომპანია `იბერიასა` და `ომეგა ჯგუფზე`