პოლიტიკა
მე ვერ მხედავთ? მგონი, ძალიან ვჩანვარ, ამაზე მეტი ცოტა უხერხულია - სალომე ზურაბიშვილი ახალ ბილბორდებზე
„მგონი, ძალიან ვჩანვარ, ამაზე მეტი ცოტა უხერხულია“, - ასე უპასუხა „ქართული ოცნების“ მიერ მხარდაჭერილმა კანდიდატმა სალომე ზურაბიშვილმა ახალ წინასაარჩევნო ბილბორდებზე დასმულ შეკითხვას.
„მე ვერ მხედავთ? მე მგონი, ჩემი სურათი არის ბევრად ლამაზი, ვიდრე პირველი სურათი და მგონი, ძალიან ვჩანვარ. ამაზე მეტი ცოტა უხერხულია. ვნახოთ, სტრატეგიის შედეგსაც ვნახავთ“, - განუცხადა ზურაბიშვილმა ჟურნალისტებს.
მისივე თქმით, ძველი სურათი ნაკლებად მოსწონდა და ახალი საარჩევნო ბანერები უფრო ევროპული სტილისაა.
„პირველი ტურის დროს მეგონა, რომ ჩემი სურათი ძალიან ბევრი და დიდი იყო. ეს არ არის ის ევროპული სტილი, რომელიც მომწონს. მე ეს სტილი უფრო მომწონს", - განაცხადა ზურაბიშვილმა.
ორი დღის წინ ახალი წინასაარჩევნო ბილბორდები გაჩნდა, რომლებზეც სალომე ზურაბიშვილის მაგივრად „ქართული ოცნების“ თავმჯდომარის, ბიძინა ივანიშვილისა და პარლამენტის თავმჯდომარის, ირაკლი კობახიძის ფოტოებია განთავსებული. ამან სოციალურ ქსელში მითქმა-მოთქმა გამოიწვია.
„ქართულ ოცნებაში“ წინასაარჩევნო ბილბორდებზე სალომე ზურაბიშვილის მაგივრად მმართველი გუნდის ლიდერების სურათების განთავსებას არჩევნების მეორე ტურში „ქართულ ოცნების“ ახალი სტრატეგიით ახსნეს.