პოლიტიკა
მე ვთხოვე საქართველოს დახმარება და არა რომელიმე კონკრეტულ პარტიას - ზაზა სარალიძე
ხორავას ქუჩაზე მოკლული დავით სარალიძის მამამ, ზაზა სარალიძემ სოციალურ ქსელში გააკრიტიკა როგორც მმართველი პარტია, ასევე ოპოზიცია იმის გამო, რომ რთულ პერიოდში მის გვერდით არ დადგნენ.
“დიდი მადლობა დარიგებისათვის. მე ვიცი განწირული ვარ და შეგუებული ვარ ამ აზრს, რაზედაც თქვენ მაფრთხილებთ.
ახლა რაც შეეხება პარტიებს.
მე ვთხოვე საქართველოს დახმარება და არა რომელიმე კონკრეტულ პარტიას.
ძალიან მოხარული ვიქნები თუ მმართველი გუნდიდან გამოვა და დამიდგება გვერდით აქციაზე და ჩემთან,მალხაზ ნაჩალიკაშვილთან და ყველა შვილმოკლულ მშობელთან ერთად იბრძოლებენ სამართლიანობის აღსადგენად.
დაბოლოს, თუ ვინმე ცდილობს ჩემი შვილის საქმე სათავისოდ გამოიყენოს, რატო აძლევთ თქვენ, ქართველები მაგის უფლებას?
ექვსი თვე დაჩოქილი ვიხვეწებოდი სამართლის აღგდგენას.
სად იყო მმართველი გუნდი, როდესაც სახეში მაფურთხებდა პროკურატურა.
სად იყო გახარია, როდესაც ვეხვეწე, შემხვდი-თქო და ფეხებზე დამიკიდა.
სად იყავით თქვენ, პირადად ახლა რო ჭკუას მარიგებთ?
მე ყველა პარტია მ...........ა, მმართველიცა და ყოფილიც.
და როდესაც მიხვდებით, რას ნიშნავ,ს შვილს როცა სადისტურად გიკლავენ და მერე მის სულში აფურთხებენ, მაშინ ვისაუბროთ დანარჩენზე“, -დაწერა სარალიძემ ფეისბუკის საკუთარ გვერდზე.