უახლესი ამბები
- 24.04.2024 18:09Startup Grind - ის მორიგი ღონისძიება ბათუმში გაიმართება - მხარდამჭერი საქართველოს ბანკია
- 24.04.2024 15:01სასამართლომ ირაკლი კუპრაძეს 2 500-ლარიანი ჯარიმა დააკისრა
- 24.04.2024 14:53სამედიცინო დაწესებულებების მონიტორინგის დროს გამოვლინდა ინფექციის პრევენციისა და კონტროლისთვის საჭირო ინფრასტრუქტურის ფუნქციონირების და პროცესის დარღვევების შემთხვევები - ომბუდსმენი
- 24.04.2024 14:41დღეს რუსთაველებმა ნათლად დაინახეს „ქართული ოცნების“ და „ნაციონალური მოძრაობის“ ღია თანამშრომლობის თვალსაჩინო მაგალითი - პარტია „გახარია საქართველოსთვის“
- 24.04.2024 14:16იდენტიფიცირებული იქნებიან ის პირები, რომლებიც, ხალხის რაოდენობის სიმცირის მიუხედავად, აქციის მონაწილეებს გზების პარალიზებისკენ მოუწოდებენ - შსს
- 24.04.2024 13:01საქართველოს ბანკის მხარდაჭერით გლდანი მოლი ფართოვდება
- 24.04.2024 12:38მესტიის მერი მეორე წელია დეკლარაციაში არ უთითებს ხელფასსა და 7 უძრავ ქონებას - `საერთაშორისო გამჭვირვალობა-საქართველოს`
- 24.04.2024 11:57ახალგაზრდების სოციალური მეწარმეობის პროექტების ხელშეწყობის პროგრამაზე რეგისტრაცია განახლებული პირობებით დღეს დაიწყება
- 24.04.2024 11:30შურისძიების მოტივით ჩადენილი მკვლელობის ფაქტზე ბრალდებულს 12 წლით თავისუფლების აღკვეთა მიესაჯა
- 24.04.2024 11:19პარტია „საქართველოსთვის“ წევრი ნოდარ შეროზია რუსთავის საკრებულოს თავმჯდომარეობიდან გადააყენეს
არქივი
საზოგადოება
გამჭვირვალობა და კომუნიკაცია ეროვნული ბანკის პრიორიტეტია - პაპუნა ლეჟავა
საქართველოს ეროვნული ბანკის ვიცე-პრეზიდენტმა, პაპუნა ლეჟავამ მონაწილეობა მიიღო ISET-ის კვლევითი ინსტიტუტის, ამერიკის შეერთებული შტატების საერთაშორისო განვითარების სააგენტოს (USAID), USAID-ის ეკონომიკური მმართველობის პროგრამისა და „ინტერნიუს საქართველოს“ მიერ ორგანიზებულ პანელურ დისკუსიაში - მედიატორი - მედიის როლი ეკონომიკური რეფორმების დღის წესრიგში. ამის შესახებ ინფორმაციას ეროვნული ბანკი ავრცელებს.
როგორც ეროვნული ბანკის მიერ გავრცელებულ ინფორმაციაშია აღნიშნული, ღონისძიების მიზანია საქართველოში ეკონომიკური მმართველობის განვითარების პროცესში მედიის ჩართულობის გაზრდა და ეკონომიკურ საკითხებზე მედიასაშუალებების მხარდაჭერა.
პაპუნა ლეჟავამ ისაუბრა მედიის მნიშვნელობასა და გავლენაზე საზოგადოებრივი აზრის ჩამოყალიბებაში, მოსახლეობის განათლებისა და ქვეყნის განვითარების პროცესში. მისი განცხადებით, გამჭვირვალობა და კომუნიკაცია ეროვნული ბანკის ერთ-ერთი პრიორიტეტია და მედიასთან ურთიერთობას დიდი მნიშვნელობა ენიჭება. ეროვნული ბანკი აქტიურად თანამშრომლობს ყველა ტიპის მედიასაშუალებასთან და საქმიანობის შესახებ საზოგადოების ინფორმირებას უწყვეტ რეჟიმში ახორციელებს. მან ხაზი გაუსვა ეროვნული ბანკის საზოგადოებასთან ურთიერთობის პროცესის გამჭვირვალობისა და კომუნიკაციის გაუმჯობესების მიზნით განხორციელებულ რეფორმებს და ყურადღება გაამახვილა ამ მიმართულებით არსებულ გამოწვევებზე.
„როგორც ქვეყნის ცენტრალურ ბანკს, მანდატის ფარგლებში პასუხისმგებლობა გვაქვს აღებული ვიზრუნოთ ქვეყნის ეკონომიკის გრძელვადიან სტაბილურ განვითარებაზე, ფასების სტაბილურობასა და ქვეყნის ფინანსური სექტორის სტაბილური და ეფექტიანი ფუნქციონირებაზე. ამისთვის კი ქმედითი და ხშირად ხისტი გადაწყვეტილებების მიღებაა აუცილებელი. ამ გზაზე წარმატებული ვერ ვიქნებით მედიის მხარდაჭერის გარეშე. გვესმის, რომ ეს რთული გზა მედიასთან პარტნიორობით უნდა გავიაროთ. მაქსიმალურად ვცდილობთ, გახსნილები ვიყოთ, მოგაწოდოთ ყველა ინფორმაცია და ასევე ღია ვართ შემოთავაზებისა, დისკუსიებისა და შემხვედრი ნაბიჯებისათვის. მჯერა, რომ როგორც ჩვენი, ასევე ჩვენი მედიის ამოცანაც ქვეყნის მოსახლეობის კეთილდღეობაა“, - განაცხადა პაპუნა ლეჟავამ.