უკან

უახლესი ამბები

დღის კალენდარი

ანონსები

არქივი

საზოგადოება

16 მარტი, 2017 16:40
font-size

მედეა ვასაძისა და გია ხუხაშვილის განცხადებები დისკრიმინაციულია აუტისტური სპექტრის მქონე პირების მიმართ - სახალხო დამცველი

სახალხო დამცველის განცხადებით, დეპუტატ მედეა ვასაძისა და პოლიტოლოგ გია ხუხაშვილის კრიტიკული მოსაზრებები პარლამენტის თავმჯდომარის ირაკლი კობახიძის მიმართ, სადაც ნათქვამია მის „პოლიტიკურ აუტიზმზე“ კიდევ უფრო ამყარებს სტერეოტიპებს აუტისტური სპექტრის მქონე პირებზე.

ომბუდსმენის შეფასებით, აუტიზმის ნეგატიურ კონტექსტში მოხსენიება ხელს უშლის შშმ პირების ინტეგრაციას საზოგადოებაში.

ომბუდსმენი მოუწოდებს მედეა ვასაძესა და გია ხუხაშვილს, მომავალში თავი შეიკავონ შშმ პირების სტიგმატიზაციისგან.

„მედიანიუსი“ სახალხო დამცველის განცხადებას სრულად გთავაზობთ:

„საქართველოს სახალხო დამცველი ეხმიანება აჭარის ავტონომიური რესპუბლიკის უმაღლესი საბჭოს დეპუტატის მედეა ვასაძისა და ექსპერტისა და პოლიტოლოგის გია ხუხაშვილის მიერ საქართველოს პარლამენტის თავმჯდომარის ირაკლი კობახიძის შესახებ გაკეთებულ განცხადებებს.

მედეა ვასაძის თქმით, საქართველოს პარლამენტის თავმჯდომარე არის „ კაცი რომელიც ცხოვრობს პოლიტიკურ აუტიზმში, ანუ არის აბსოლუტურად სხვა სამყაროში“. დეპუტატმა აღნიშნა, რომ ეს შეფასება მან მოისმინა ერთ-ერთი პოლიტიკოსისაგან და ვინაიდან იზიარებს აღნიშნულ შეხედულებას, კიდევ მრავალჯერ გაიმეორებს.

გია ხუხაშვილმა კი განაცხადა: „ირაკლი კობახიძის განცხადებები შემაშფოთებელია. მან საკმაოდ მძიმე შთაბეჭდილება დატოვა. ის პოლიტიკური აუტიზმით შეპყრობილი ადამიანის შთაბეჭდილებას ტოვებს, რომელიც თავის სამყაროში ცხოვრობს, დიალოგში არავისთან შედის და აქვს თავისი წარმოდგენები. მრჩება შთაბეჭდილება, რომ ძალიან მძიმე საკომუნიკაციო ადამიანია და იმდენად სერიოზული პრობლემები აქვს, რომ მიჭირს, მის მიმართ განსაკუთრებით კრიტიკული ვიყო“.

სახალხო დამცველი მიიჩნევს, რომ პოლიტიკოსებისა და საჯარო პირების სტერეოტიპული დამოკიდებულება ძირს უთხრის აუტისტური სპექტრის მქონე პირთა საზოგადოებაში ინტეგრაციის ყველა მცდელობას. ტერმინ „აუტიზმის“ დამაკნინებელ კონტექსტში მოხსენიება მიუღებელია, ვინაიდან აღნიშნული ხელს უწყობს შეზღუდული შესაძლებლობის მქონე პირების მიმართ საზოგადოებაში მძლავრად ფესვგადგმული სოციალურ სტიგმის, სტერეოტიპების, ნეგატიური დამოკიდებულებების, მცდარი შეხედულებების გამყარებას, იწვევს საზოგადოების გაუცხოებას ამ პირთა მიმართ და ქმნის საფრთხეს, რომ ისინი მომავალში შესაძლოა დისკრიმინაციას დაექვემდებარონ. ამასთან, საზოგადოებაში ფორმირებული სტერეოტიპული შეხედულებები სერიოზულ ფსიქოემოციურ ტრავმას აყენებს შეზღუდული შესაძლებლობის პირებსა და მათ ოჯახებს.

სახალხო დამცველმა საქართველოს პარლამენტისათვის გაცემულ ზოგად წინადადებაში აღნიშნა, რომ პოლიტიკოსებსა და საჯარო პირებს ეკისრებათ განსაკუთრებული ვალდებულება, რომ საჯარო პოლიტიკურ დებატებში არ გაავრცელონ არასწორი, სტერეოტიპებზე დამყარებული განცხადებები და არ გამოიყენონ სიძულვილის ენა.

ყოველივე ზემოაღნიშნულიდან გამომდინარე, სახალხო დამცველი მოუწოდებს მედეა ვასაძესა და გია ხუხაშვილს, ასევე სხვა საჯარო პირებს, რომ მომავალში გაითვალისწინონ შეზღუდული შესაძლებლობის მქონე პირებთან დაკავშირებული საკითხების სენსიტიურობა და თავი შეიკავონ ისეთი განცხადებებისგან, რომელიც დაუცველი ჯგუფებისათვის დამამცირებელი და შეურაცხმყოფელი იქნება“, - წერია განცხადებაში.

ანა მებურიშვილი

დამოუკიდებელი ქვეყნის თავისუფალ მოქალაქეებთან ერთად ჩვენ შევქმნით ბედნიერი და რეალიზებული ადამიანების ქვეყანა - მამუკა ხაზარაძე

26 მაისი, 2020 , 16:21

26 მაისს საქართველოს დამოუკიდებლობის დღესთან დაკავშირებით "ლელო საქართველოსთვის" პარლამენტის შენობის წინ გამართა გამოფენა "26 მაისი დამოუკიდებლობის 102 წელი". ღონისძიებაზე იმყოფებოდნენ მამუკა ხაზარაძე, დავით უსუფაშვილი,

ემანუელ მაკრონი სალომე ზურაბიშვილს - საქართველოს ეროვნულ დღესასწაულთან დაკავშირებით, თქვენ და ქართველ ხალხს ბედნიერებასა და კეთილდღეობას გისურვებთ

26 მაისი, 2020 , 15:45

საფრანგეთის პრეზიდენტი, ემანუელ მაკრონი საქართველოს პრეზიდენტს, სალომე ზურაბიშვილს და ქართველ ხალხს დამოუკიდებლობის დღეს ულოცავს. „ქალბატონო პრეზიდენტო, საქართველოს ეროვნულ დღესასწაულთან დაკავშირებით, თქვენ და ქართ

არ არსებობს იმაზე უფრო დიდი მსახურება, ვიდრე უანგაროდ ემსახურო შენს სამშობლოს - გიორგი გახარია

26 მაისი, 2020 , 15:15

საქართველოს პრემიერ-მინისტრი, გიორგი გახარია, ვაზიანში, საქართველოს დამოუკიდებლობის დღისადმი მიძღვნილ საზეიმო ღონისძიებაზე სიტყვით გამოვიდა. მთავრობის მეთაურის თქმით, არ არსებობს იმაზე უფრო დიდი მსახურება, ვიდრე უანგაროდ

ბრიტანეთის დედოფალი საქართველოს დამოუკიდებლობის დღეს ულოცავს

26 მაისი, 2020 , 15:00

ბრიტანეთის დედოფალი, ელისაბედ მეორე საქართველოს პრეზიდენტს და მოსახლოებას დამოუკიდებლობის დღეს ულოცავს. „დიდი სიხარულით გიგზავნით გულმხურვალე მილოცვას ეროვნულ დღესასწაულთან დაკავშირებით. საუკეთესო სურვილებს ვუსურვე

ზაზა ოქუაშვილის დაფუძნებულმა კომპანიებმა `მთავარი არხის` 40%-იანი წილი შეიძინეს

26 მაისი, 2020 , 13:38

“მთავარ არხს” ახალი მეწილეები ჰყავს. საჯარო რეესტრში რეგისტრირებული ცვლილებებით არხის მოქმედმა მფლობელებმა: ნიკა გვარამიამ და კახაბერ ანჯაფარიძემ ტელევიზიის წილები გაასხვისეს. „მთავარი არხის“ 40%-

ტექნიკური უნივერსიტეტი საქართველოს დროშის ფერებში განათდა

26 მაისი, 2020 , 13:24

საქართველოს ტექნიკური უნივერსიტეტის ადმინისტრაციული კორპუსი, საქართველოს დამოუკიდებლობის 102 წლისთავის აღსანიშნავად, 26 მაისის დადგომისთანავე, 00:00 საათიდან, საქართველოს დროშის ფერებში განათდა, - ამის შესახებ ინფორმაცია