პოლიტიკა
მეღიმება გიორგი კვირიკაშვილის განცხადებაზე- ალექსი პეტრიაშვილი
პარტია „თავისუფალი დემოკრატების“ საბურთალოს მაჟორიტარი დეპუტატობის კანდიდატ ალექსი პეტრიაშვილს ეღიმება გიორგი კვირიკაშვილის მიერ გაკეთებულ განცხადებაზე, რომელიც საარჩევნო ოლქების დაყოფას შეეხება.
ამის შესახებ პეტრიაშვილმა პრესკონფერენციაზე განაცხადა.
„დიდი გამჭრიახობით, დაბლანდეს ეს საზღვრები თითოეული საარჩევნო ოლქის, რომ ახლა თვითონაც დაბნეულები არიან. არის რა თქმა უნდა უკმაყოფილებაც , გაუჭირდებათ მათ ამომრჩევლის მობილიზება. ეს, ჩემი აზრით, უფრო პოპულისტური განცხადება იყო, გულის მოსაგებად. არადა ეს ხალხი მართლა არ არის ჩაუხედავი ამ საკითხში . „ქართულმა ოცნებამ“ და „ქართული ოცნების“ თავმდჯომარემ მიიღეს გადაწყვეტილება ასეთი ოლქების შემუშავებაზე. „ქართული ოცნების“ თავმჯდომარე გამოდის და ჩვენ შემოგვჩივლა, რომ უსამართლოდ არის ეს მიღებულიო. მართლა მეღიმება ამაზე“, - განაცხადა პეტრიაშვილმა.
შეგახსეენბთ, რომ გუშინ, საქართველოს პრემიერ-მინისტრმა გიორგი კვირიკაშვილმა ამომრჩევლებთან შეხვედრისას განაცხადა, რომ საარჩევნო ოლქების დაყოფასთან დაკავშირებით განხორციელებული ცვლილება, რომელიც საქართველოს მოსახლეობის მათემატიკური რაოდენობით დაყოფას გულისხმობს, სამართლიანი არ არის.
როგორც გიორგი კვირიკაშვილმა აღნიშნა, აუცილებელია, პარლამენტში საქართველოს ცალკეულ კუთხეებს წარმომადგენლობა ჰყავდეს.
მონიკა დავლიანიძე