პოლიტიკა

მეგობრებს ირჩევენ, მაგრამ მეზობლებს არა - ზურაბ ტყემალაძე

პარლამენტის წევრის, მრეწველთა პარტიის თავმჯდომარის ზურაბ ტყემალაძის თქმით, მეგობრებს ირჩევენ, მაგრამ მეზობლებს არა.

„მეგობრებს ირჩევენ, მაგრამ მეზობლებს არა. აქედან გამომდინარე, უფრო ნორმალური დამოკიდებულება უნდა გვქონდეს მათთან. თურქეთ რუსეთის ურთიერთობიდან გამომდინარე შემიძლია მაგალითი მოგიყვანოთ -ისე უყვართ ერთმანეთი, როგორც რა გითხრათ. მაგრამ სწორედ მოსახლეობის ინტერესებიდან გამომდინარე წავიდა ერთი მხარე იმაზე, რომ ბოდიში მოიხადა, არ ვიცი, სწორი იყო თუ არა, მაგრამ მეორე მხარემ ნუ შეიკავებთ თავს თურქეთში ჩასვლისგან.

ანამშრომლობა ბევრი მიმართულებით იძლევა შედეგს. ნატოს წევრი ქვეყანაა თურქეთი და იცით, თუ როგორი დაძაბული სიტუაცია ჰქონდა, სულ რაღაც რამდენიმე თვის წინ, მაგრამ ამის განმუხტვაზეც იფიქრა და აქედან გამომდინარე მიმაჩნია, რომ ასე უნდა მივუდგეთ ყველაფერს“,-განაცხადა ტყემალაძემ.

მონიკა დავლიანიძე