უახლესი ამბები
- 19.04.2024 12:06საქართველოს ტერიტორიასა და მის ფარგლებს გარეთ მოქმედ პირთა გარკვეული ჯგუფი, 2023 წლის ოქტომბერ-დეკემბერში საქართველოში გეგმავდა დესტაბილიზაციას და სამოქალაქო არეულობის მოწყობას, რომლის საბოლოო მიზანი ხელისუფლების ძალადობრივი გზით შეცვლა იყო - სუს-ის ანგარიში
- 19.04.2024 11:50დიდი ოდენობით თანხის მოტყუებით დაუფლების ფაქტზე ბრალდებულები სასამართლომ დამნაშავედ ცნო
არქივი
საზოგადოება
მეხანძრეებს ადგილზე მისვლისას ხანძრის ორი კერა დახვდათ - თბილისის საგანგებო სიტუაციების მართვის მთავარი სამმართველოს უფროსი
თბილისში, ცაბაძის ქუჩაზე მდებარე სავაჭრო ცენტრ „ქალაქის გულში“ ხანძარის შედეგად მთლიანობაში დაახლოებით 5 000 კვადრატული მეტრის ფართობია დამწვარი, – განუცხადა ჟურნალისტებს თბილისის საგანგებო სიტუაციების მართვის მთავარი სამმართველოს უფროსის მოადგილე მამუკა ყირიმელმა.
„ხანძარი ამ დროისთვის ლიკვიდირებულია. მთლიანობაში დაახლოებით 5 000 კვადრატული მეტრის ფართობია დამწვარი. ხანძრის სალიკვიდაციო სამუშაოებში 30 სახანძრო-სამაშველო ჯგუფი და 150 მეხანძრე-მაშველი მონაწილეობდა. უსაფრთხოების მიზნით, ადგილზე ორი სახანძრო-სამაშველო ჯგუფი დარჩა“, – განაცხადა მამუკა ყირიმელმა.
მისივე თქმით, მეხანძრეებს ადგილზე მისვლისას ხანძრის ორი კერა დახვდათ.
„მეხანძრეების მოსვლისას ღია ცეცხლი იყო. ხანძრის კერა მესამე სართულზე და ასევე, სარდაფში იყო. დეტალებს გამოძიება დაადგენს. რისგან და რა მიზეზით გაჩნდა ხანძარი, ამ ყველაფერზე პასუხს გამოძიება იტყვის“, – განაცხადა მამუკა ყირიმელმა.