საზოგადოება

მემანქანეები მოლაპარაკებებისთვის მზად არიან - ბექა ნაცვლიშვილი

საპარლამენტო უმრავლესობის წევრმა, ბექა ნაცვლიშვილმა მეტროს გაფიცულ მემანქანეებთან შეხვედრის შემდეგ განაცხადა, რომ ისინი მზად არიან მოლაპარაკებებისთვის და თბილისის სატრანსპორტო კომპანიამ შემხვედრი ნაბიჯი უნდა გადადგას.

შეხვედრა მეტროპოლიტენის თანამშრომლებს,საკრებულოს უმრავლესობის წევრ ოთარ გრიგოლიასა და პარლამემტის უმრავლესობის წევრ ბექა ნაცვლიშვილს შორის გაიმართა.

"მთავარი არის ის, რომ მოლაპარაკების სივრცე არსებობს. ეს ადამიანები არიან მზად მოლაპარაკების მაგიდასთან დასხდნენ. მგონია, რომ მაინც დარჩა მოლაპარაკების სივრცე. იმედი მაქვს ამას გაიგებს სატრანსპორტო კომპანია და მოლაპარაკების გაგრძელების თაობაზე თვითონაც გადმოდგამს შემხვედრ ნაბიჯს“, - განაცხადა ნაცვლიშვილმა.

შეხვედრის დასრულების შემდეგ ისაუბრა ასევე "ერთობა 2013"ის წევრმა რატი კაპანაძემ. მოლაპარაკების თაობაზე მან მზაობა გამოთქვა.

"მეორე დღეა მიმდინარეობს შიმშილობა. თითოეული ჩვენთაგანი გადავიღალეთ, მაგრამ გვინდა, რომ გითხრათ ვიბრძვით ღირსეული ანაზღაურებისათვის. ვრჩებით ჩვენი მოთხოვნის ირგვლივ", - განაცხადა კაპანაძემ.