უახლესი ამბები
- 18.04.2024 19:05ღრმად იმედგაცრუებულები ვართ საქართველოს პარლამენტის გადაწყვეტილებით კრემლის მიერ შთაგონებული კანონპროექტის დაინიცირების გამო - მეთიუ მილერი
- 18.04.2024 18:29“ვაცხადებთ სრულ კოორდინაციასა და მობილიზაციას კანონის მეორე მოსმენით განხილვის დღისთვის” - ექვსი ოპოზიციური პარტია ერთობლივ განცხადებას ავრცელებს
- 18.04.2024 14:47პაატა კვიჟინაძე ოპოზიციას - ერთ პიროვნებაზე იძახდით, გარბის საქართველოდან, გაფრინდაო, ახლა ამბობთ, შემოდის და აქ აბანდებსო, გაერკვიეთ, რა გინდათ
არქივი
სამართალი
მემუქრებოდნენ, აქ მოკვდებიო - ზურაბ ქურციკიძე
დავით დევნოზაშვილი და ვინმე ლადო მეუბნებოდნენ, რომ თუ ბრალს არ ვაღიარებდი, სახლში ვერასოდეს წავიდოდი, ვერც დედას ვნახავდი და ვერც ვერავის. ასე ხდებოდა არაერთი ღამე, - განაცხადა ფოტოგრაფმა, ზურაბ ქურციკიძემ ე.წ. ფოტოგრაფების საქმეზე სასამართლოში ჩვენების მიცემისას.
მისი თქმით, საპატიმროში ყოფნის დროს სიტყვიერად ემუქრებოდნენ.
"მემუქრებოდნენ, აქ მოკვდებიო, ყოველ ღამე მეუბნებოდნენ - აღიარე, აღიარეო. მეუბნებოდნენ, რომ გედენიძეებიც მე მადებდნენ ხელს. ამას ამბობდა დავით დევნოზაშვილი, ლადო, ერთი "ოქროს ძეწკვიანი" კაციც. რა უნდა დამეწერა, ან რა უნდა მეთქვა. ფსიქოლოგიურად გავტყდი, აღარ შემეძლო უკვე. მაშინ აქციები მიმდინარეობდა და დევნოზაშვილი მეუბნებოდა, რა გგონია, ესენი გიშველიანო? როცა მიხვდნენ, რომ უკვე ჩემი თანხმობა ჰქონდათ, მოვიდნენ ერთ-ერთ ღამეს და დევნოზაშვილმა მითხრა, თუ მის მოტანილ ტექსტს წავიკითხავდი, სამ წელს მომისჯიდნენ. თანახმა არ ვიყავი და შემდეგ შეცვალა პირობა", - განაცხადა ქურციკიძემ.
მისი თქმით, ჩვენებაში ეწერა, რომ რუსულ სპეცსამსახურებთან თანამშრომლობდა, რომლებსაც აწვდიდა მასალას და ამ მასალას კი, თავის მხრივ გადაბირებული გედენიძე და აბდალაძე აწვდიდნენ. მასალებს შორის იყო პრეზიდენტის გადაადგილების მარშრუტიც.
ქურციკიძის განცხადებით, აღიარებითი ჩვენება მან ადვოკატების წინაშე მისცა.
თავის მხრივ, როგორც დღევანდელი პროცესის შემდეგ საქმის პროკურორმა, ემზარ გაგნიძემ აღნიშნა, ფოტოგრაფმა დაკითხვის დროს დაადასტურა, რომ მას ემუქრებოდნენ მრავალწლიანი პატიმრობით და გაუპატიურებით.
,,მას ემუქრებოდნენ მრავალწლიანი პატიმრობით. ასევე პირდაპირ მიუთითეს, რომ თუ არ აღიარებდა ჯაშუშობის ბრალდებას, შესაძლოა ციხეში მის მიმართ მომხდარიყო გაუპატიურება. მან ისაუბრა, რომ აღნიშნულ ჩვენებასთან დაკავშირებით ესაუბრნენ, უშუალოდ დავით დევნოზაშვილი და კონტრდაზვერვის სხვა თანამშრომლები, რომლებიც მას შეხვდნენ მოდულის შენობაში. ხოლო, შემდეგ საპატიმრო დაწესებულებაში, როდესაც მას პატიმრობა შეეფარდა, ასევე არაერთხელ შეხვდა დავით დევნოზაშვილი სხვა თანამშრომლებთან ერთად და ასევე ფსიქოლოგიური ზეწოლით, საბოლოოდ მისგან მიიღეს აღიარებითი ჩვენება’’, - განაცხადა ემზარ გაგნიძემ.
ნინო ექვთიმიშვილი