უახლესი ამბები
- 19.04.2024 17:25ქოცებო, თქვე ნაცებო შეწყვიტეთ ეს მორიგი უსუსური გადაწყვეტილება, რომელიც 26 ოქტომბერს საპარლამენტო არჩევნებში თქვენი მარცხის შიშს ეფუძნება - „გახარია საქართველოსთვის“
- 19.04.2024 17:15ნარკოტიკული საშუალებების გასაღებასა და უკანონო შემოსავლის ლეგალიზაციაში 3 ბრალდებულს უვადო, ხოლო 2 ბრალდებულს 19 და 18 წლით თავისუფლების აღკვეთა მიესაჯათ
- 19.04.2024 16:23მშიშარმა და ლაჩარმა მდინარაძემ რომ ვერ გაბედა პასუხის გაცემა, პოლიცია დამასაია, უფრო სწორად “ძაღლობა” დამასია - ალეკო ელისაშვილი
- 19.04.2024 15:1420-22 აპრილს საქართველოს ზოგიერთ რაიონში სითბოს ფონზე ხანმოკლე წვიმაა მოსალოდნელი
- 19.04.2024 15:06ეს პროექტი არის უკან გადადგმული ნაბიჯი და ეწინააღმდეგება საქართველოს ევროატლანტიკურ ინტეგრაციას - ხავიერ კოლომინა
არქივი
პოლიტიკა
მეორე დღეა საკონსტიტუციო სასამართლოში პერსონალურ მონაცემთა დაცვის ინსპექტორს უსმენენ
დღეს საკონსტიტუციო სასამართლოში ე.წ. მოსმენების კანონთან დაკავშირებით განმწესრიგებელი სხდომა მიმდინარეობს. სწორედ პლენუმის შემდეგ გადაწყდება, გააუქმებს თუ არა საკონსტიტუციო სასამართლო პარლამენტის მიერ მიღებულ კანონპროექტს თუ სარჩელზე არსებით განხილვას დაიწყებს.
უკვე მეორე დღეა, რაც გრძელდება პერსონალურ მონაცემთა დაცვის ინსპექტორის, თამარ ქალდანის მოსმენა. როგორც მან საზოგადოებრივს განუცხადა, კანონმდებლობა აძლევს გარანტიებს, რომ ინსპექტორმა კანონიერად შეამოწმოს და დაამუშაოს მონაცემები.
„კანონმდებლობა გვაძლევს შესაძლებლობას, როგორც ელექტრონული საშუალებებით, ასევე ინსპექტორის სტანდარტული, ტრადიციული ფუნქციით, მონაცემთა დამუშავების კანონიერი შემოწმებით ან ინსპექტირებით შევამოწმოთ როგორც ტექნიკური, ასევე სამართლებრივი მხარე, მონაცემთა დამუშავების საფუძვლებისა და პრინციპების დაცვით. ამ თვალსაზრისით რაიმე დაბრკოლება რომ შეგვქმნოდა, ასეთი პრეცედენტი აქამდე არ არსებობდა და ამისი სამართლებრივი გარანტიები კანონშივეა ჩადებული“, - განაცხადა ქალდანმა.
არასამთავრობო ორგანიზაცია „ახალგაზრდა იურისტთა ასოციაციის“ იურისტის გიორგი გოცირიძის თქმით, პერსონალური დაცვის ინსპექტორის საქმიანობა შემოიფარგლება მხოლოდ აბონენტის გამორთვით, რათა დაიწყოს მოსმენა.
„პერსონალური დაცვის ინსპექტორი მხოლოდ იღებს სასამართლოს განჩინებას ელექტრონულად მოსმენის დაწყებასთან დაკავშირებით. მას აქვს შესაძლებლობა, მხოლოდ გამორთოს აბონენტი მას შემდეგ, რაც მოსმენა დაიწყება. რეალურად, რეაქტიულად მოქმედებს პერსონალურ მონაცემთა დაცვის ინსპექტორი და არა პროაქტიულად, შესაბამისად, მიგვაჩნია, რომ კონტროლის მექანიზმები არის გაუარესებული და კვლავ არსებობს ის საფრთხეები, რაც აქამდე იყო“, -განაცხადა გოცირიძემ.