მსოფლიო

მექსიკაში მომხდარ მიწისძვრას სულ მცირე 248 ადამიანი ემსხვერპლა

მექსიკაში 7.1 მაგნიტუდის სიმძლავრის მიწისძვრის შედეგად სულ მცირე 248 ადამიანი დაიღუპა. ქვეყნის პრეზიდენტის, ენრიკე პენია ნიეტოს ინფორმაციით, სკოლის ჩამონგრევის შედეგად 20-ზე მეტი ბავშვია დაღუპული, ხოლო 30 დაკარგულია.

დაკეტილია მეხიკოს აეროპორტი, უმეტესი შენობებიდან ხალხია ევაკუირებული.

ხელისუფლების ინფორმაციით, მინიმუმ 3.8 მილიონი ადამიანია დარჩენილი ელექტროენერგიის გარეშე.
ძლიერმა მიწისძვრამ სერიოზულად დააზარალა მეზობელი შტატებიც.

მიწისძვრის ეპიცენტრი ქალაქ ატენსიაგოს მახლობლად, მექსიკოდან 120 კილომეტრის დაშორებით მდებარეობს.

ბიძგები მაშინ მოხდა, როცა მეხიკოს სამაშველო ჯგუფები 1985 წლის უძლიერესი მიწისძვრის წლისთავისთვის სწავლებებს გადიოდნენ. მაშინდელ კატასტროფას 10 000 ადამიანის სიცოცხლე შეეწირა.

ანა მებურიშვილი