საზოგადოება

მერიის ლაბორატორიის ექსპერტები იმ კორპუსის მდგრადობას სწავლობენ სადაც ანტიტერორისტული ოპერაცია მიმდინარეობდა

ბერი გაბრიელ სალოსის ქუჩაზე მერიის ლაბორატორიის ექსპერტები კორპუსის მესამე სადარბაზოს დაათვალიერებენ და კორპუსის მდგრადობას შეამოწმებენ.

გუშინ ადგილზე ექსპერტ-კრიმინალისტები მუშაობდნენ, ამიტომ ლაბორატორიის წარმომადგენლებს მხოლოდ ორი სადარბაზოს შემოწმების საშუალება მიეცათ.

მოსახლეობის ნაწილს კი, ამ დროდმე საკუთარი ბინების დათვალიერების შესაძლებლობა კვლავ არ აქვთ. მოსახლეობის ნაწილს ბინიდან ნივთების გამოტანის საშუალება გუშინ მისცეს.

ბერი გაბრიელ სალოსის ქუჩაზე ანტიტერორისტული ოპერაცია 22 ნოემბრეს, თითქმის 20 საათის განმავლობაში მიმდინარეობდა.

სახელმწიფო უსაფრთხოების სამსახურის ინფორმაციით, სპეცოპერაციის შედეგად დაკავებულია 1 ადამიანი, ხოლო სამი ლიკვიდირებულია.

ტერორიზმში ეჭვმიტანილებსა და სამართალდამცველებს შორის შეტაკების შედეგად კი, ერთი სპეცრაზმელი დაიღუპა, ოთხი კი დაიჭრა.

მონიკა დავლიანიძე