უახლესი ამბები
არქივი
პოლიტიკა
მესამე მოსმენაზე ცვლილებების შეტანა შესაძლებელია, თუმცა გარკვეული პროცედურების დაცვით- დავით მათიკაშვილი
საპარლამენტო უმრავლესობის წევრის დავით მათიკაშვილის თქმით, მესამე მოსმენაზე საკონსტიტუციო ცვლილებებზე მომზადებულ პროექტში ცვლილებების შეტანა შესაძლებელია, თუმცა გარკვეული პროცედურების დაცვით.
„იმისთვის, რომ კონსენსუსი შედგეს, აუცილებელია კონკრეტულად ვიცოდეთ, თუ რა ნაბიჯების გადადგმაზე არის თანახმა, მაგალითად, ოპოზიცია. მესამე მოსმენას გააჩნია თავისი კონკრეტული პროცედურა და შესაძლებელია, გარკვეული საკითხების ისე გასწორება, რომ მესამე მოსმენამ ეს თავისი სამართლებრივი ბუნებით აიტანოს“,-განაცხადა მათიკაშვილმა.
პრემიერ-მინისტრის განცხადებით, მმართველი გუნდი მზად არის საკონსტიტუციო რეფორმასთან დაკავშირებით დიალოგი გამართოს.
„ევროპული საქართველოს“ ლიდერის დავით ბაქრაძის თქმით კი, რეალურად სურს თუ არა მმართველ გუნდს კომპრომისზე წასვლა გამოჩნდება, თუ ის კონსტიტუციის პროექტს მეორე მოსმენაზე დააბრუნებს, რადგან, ბაქრაძის თქმით, მესამე მოსმენა რედაქციულ ხასიათს ატარებს და მასში ცვლილებები ვერ შევა.
მონიკა დავლიანიძე