საზოგადოება
„მესტია ჭალაჰესის“ მშენებლობის წინააღმდეგ სვანეთის მოსახლეობა თბილისში აქციას მართავს
„მესტია ჭალაჰესის“ და საქართველოს სხვა რეგიონებში დაგეგმილი მცირე და დიდი ზომის ჰესების მშენებლობის გაპროტესტების მიზნით, სვანეთის მოსახლეობა თბილისში აქციას მართავს.
აქციის მონაწილეები მთავრობის ადმინისტრაციასთან არიან შეკრებილები და აცხადებენ, რომ „მესტია ჭალა ჰესის“ ამოქმედების შემთხვევაში სვანეთის უნიკალურ ბუნებას საფრთხე დაემუქრება.
მესტიაში რამდენიმე დღიანი პროტესტის შემდეგ ამ ეტაპზე „მესტია ჭალაჰეისის“ მშენებლობა შეჩერებულია. მოსახლეობა დამოუკიდებელი ექსპერტების დასკვნას ელოდება.
„პროტესტი გახლავთ მხარდასაჭერი აქცია იმ მომხდარი უნამუსობის, უკანონობის და ძალადობის გამო, რაც მესტიაში ამ დღეებში ხდებოდა. შეყვანილი იყო სპეცდანიშნულების რაზმები, რომ გასწორებოდნენ იქაურობას და მოსახლეობა დაესაჯათ. აიკრძალოს ყოველგვარი მავნებლური პროექტი სვანეთის ტერიტორიაზე,“- განაცხადა აქციის მონაწილემ, მანანა საღლიანმა.