კომენტარი

მეტროს მემანქანეებმა უნდა გაითვალისწინონ, რომ ეს არის ის ძირითადი ტრანსპორტი, რითიც გადაადგილებიან თბილისელები - დიმიტრი ქუმსიშვილი

ვიცეპემიერისა და ეკონომიკის მინისტრის, დიმიტრი ქუმსიშვილის განცხადებით, თბილისის მერი მაქსიმუმს აკეთებს, რაც შესაძლებელია მეტროპოლიტენის მუშაობის აღსადგენად.

მისი თქმით, მემანქანეებმა უნდა გაითვალისწინონ, რომ მეტრო არის ძირითადი ტრანსპორტი, რითაც გადაადგილდებიან თბილისელები.

"დარწმუნებული ვარ, რომ კახა კალაძე აკეთებს ყველაფერს, აკეთებს მაქსიმუმს რაც არის შესაძლებელი, თუმცა რა თქმა უნდა, მეტროს მემანქანეებმაც უნდა გაითვალისწინონ, რომ ეს არის ის ძირითადი ტრანსპორტი, რითიც გადაადგილებიან თბილისელები, შესაბამისად შესაძლებლობები, რომელიც ქალაქს გააჩნია უნდა იყოს სწორად გამოყენებული", - განაცხადა ქუმსიშვილმა.

მეტროს გაფიცული მემანქანეები აცხადებენ, რომ დედაქალაქის მთავრობასთან მოლაპარაკებები დღეს გაგრძელდება.