უკან

დღის კალენდარი

ანონსები

არქივი

საზოგადოება

9 ივლისი, 2020 14:01
font-size

მეცნიერებათა ეროვნულ აკადემიასა და საქართველოს ტექნიკურ უნივერსიტეტს შორის მემორანდუმი გაფორმდა

საქართველოს მეცნიერებათა ეროვნულ აკადემიასა და საქართველოს ტექნიკურ უნივერსიტეტს შორის ურთიერთთანამშრომლობის მემორანდუმი გაფორმდა. დოკუმენტს ხელი მოაწერეს საქართველოს მეცნიერებათა ეროვნული აკადემიის პრეზიდენტმა გიორგი კვესიტაძემ და საქართველოს ტექნიკური უნივერსიტეტის რექტორმა დავით გურგენიძემ, - ამის შესახებ ინფორმაციას საქართველოს ტექნიკური უნივერსიტეტის საზოგადოებასთან ურთიერთობის დეპარტამენტი ავრცელებს.

10-პუქტიანი მემორადუმი საქართველოს მეცნიერებათა ეროვნულ აკადემიასა და ტექნიკურ უნივერსიტეტს შორის, სამეცნიერო-კვლევით საქმიანობაში ურთიერთთანამშრომლობას გულისხმობს.

მემორანდუმის ხელმოწერა საქართველოს მეცნიერებათა ეროვნული აკადემიის შენობაში შედგა. ღონისძიებას საქართველოს ტექნიკური უნივერსიტეტის ადმინისტრაციის წარმომადგენლები და მეცნიერებათა ეროვნული აკადემიის წევრები ესწრებოდნენ.

დოკუმენტის თანახმად, სამომავლოდ, მეცნიერებათა ეროვნული აკადემია და საქართველოს ტექნიკური უნივერსიტეტი სამეცნიერო დისკუსიებს, სიმპოზიუმებს და კონფერენციებს ერთობლივად გამართავს. გარდა ამისა, მემორანდუმის ფარგლებში, მხარეები საქართველოს მთავრობას ერთობლივ წინადადებებს წარუდგენენ ქვეყნისთვის უაღრესად მნიშვნელოვანი, ფუნდამეტური თუ გამოყენებითი სამეცნიერო თემებისა და პროექტების გამოსავლენად, რომელსაც „ეროვნული აკადემიისა და საქართველოს ტექნიკური უნივერსიტეტის პრემია“ მიენიჭება.

დოკუმენტის ხელმოწერის შემდეგ, მეცნიერებათა ეროვნული აკადემიის პრეზიდენტმა, აკადემიკოსმა გიორგი კვესიტაძემ ურთიერთთანამშრომლობის მნიშვნელობასა და სამომავლო პერსპექტივების შესახებ ისაუბრა.

„ქვეყნისათვის საჭირო და აუცილებელია მეცნიერებათა ეროვნულ აკადემიასა და საქართველოს ტექნიკურ უნივერსიტეტს შორის ურთიერთთანამშრომლობის მემორანდუმის გაფორმება. ჩვენ, რა თქმა უნდა, გავაღრმავებთ ურთიერთობებს და ერთობლივად ვიმუშავებთ საგანმანათლებლო პროგრამების დახვეწისა და სრულყოფისათვის“, - განაცხადა გიორგი კვესიტაძემ.

თავის მხრივ, მემორანდუმის მნიშვნელობა საქართველოს ტექნიკური უნივერსიტეტის რექტორმა, პროფესორმა დავით გურგენიძემ შეაფასა. როგორც რექტორმა აღნიშნა, მემორანდუმი მეცნიერებათა ეროვნულ აკადემიასა და საქართველოს ტექნიკურ უნივერსიტეტს შორის სამეცნიერო თანამშრომლობას კიდევ უფრო გააღრმავებს.

„ჩვენ ერთად უნდა გადავლახოთ პანდემიით გამოწვეული სირთულეები, რაც განათლების სისტემასა და მეცნიერების ყველა დარგს შეეხო. სწავლა, კვლევა და მეცნიერება ერთმანეთის გარეშე წარმოუდგენელია. ჩვენ მიერ აღზრდილმა ახალმა თაობამ უნდა გააგრძელოს ის მნიშვნელოვანი გზა, რაც მეცნიერებათა ეროვნულმა აკადემიამ გაკვალა. მემორანდუმი პირველი წინგადადგმული ნაბიჯია შორსმიმავალი პერსპექტივისკენ, რითაც ეროვნულ აკადემიასა და უნივერსიტეტს შორის ურთიერთობა უფრო მეტად გაღრმავდება. ეს მოვლენა ორმაგად სასიხარულო და საამაყოა ჩვენთვის იმ ფონზე, როცა ტექნიკურმა უნივერსიტეტმა მორიგ მნიშვნელოვან წარმატებას მიაღწია და რუსთაველის ეროვნული სამეცნიერო ფონდის გამოყენებითი კვლევების CARYS საგრანტო პროგრამაში, გამარჯვებული პროექტების რაოდენობით, ლიდერის პოზიცია დაიკავა“, - აღნიშნა დავით გურგენიძემ.

ღონისძიების დასასრულ, მხარეების გადაწყვეტილებით, მემორანდუმის ფარგლებში, პირველი სამუშაო შეხვედრა უახლოეს დღეებში დაიგეგმა.

სტუ-ის საზოგადოებასთან ურთიერთობის დეპარტამენტის ინფორმაციით, იმ მეცნიერებს, რომლებიც სამომავლოდ, „ეროვნული აკადემიისა და საქართველოს ტექნიკური უნივერსიტეტის პრემიას“ მოიპოვებენ, ლაურეატის დიპლომი, სამკერდე ნიშანი და ფულადი პრემია გადაეცემათ. რაც შეეხება ქართველი მკვლევრების სამეცნიერო ნაშრომებს, მაღალრეიტინგულ გამოცემებში მათ გამოქვეყნებაზე ორივე ინსტიტუცია ერთობლივად იზრუნებს.

პაშა ბანკის დირექტორთა საბჭოში ცვლილებებია

6 მაისი, 2021 , 08:47

სს პაშა ბანკ საქართველოს სამეთვალყურეო საბჭოს გადაწყვეტილებით,  2021 წლის 29 აპრილიდან დირექტორთა საბჭოს თავმჯდომარედ და გენერალურ დირექტორად დაინიშნა ნიკოლოზ შურღაია; რისკების დირექტორად და დირექტორთა საბჭოს წევრად

საქართველოში ბოლო 24 საათში კორონავირუსით 24 პაციენტი გარდაიცვალა

5 მაისი, 2021 , 11:26

საქართველოში ბოლო 24 საათში კორონავირუსით 24 პაციენტი გარდაიცვალა. ამის შესახებ ინფორმაცია მთავრობის სპეციალურ ვებგვერდ stopcov.ge-ზე გამოქვეყნდა. გარდაცვლილთა საერთო რაოდენობა კი, 4 207-ს შეადგენს. დღეს კორონავირუსით ინ

კორონავირუსის ახალი შემთხვევებიდან 1 359 თბილისში, 202 იმერეთში, 135 კი აჭარაში გამოვლინდა

5 მაისი, 2021 , 11:12

კორონავირუსის ახალი შემთხვევებიდან 1 359 თბილისში, 202 იმერეთში, 135 კი აჭარაში გამოვლინდა, – ამის შესახებ ინფორმაციას მთავრობის ადმინისტრაციის პრესსამსახური ავრცელებს. „Stopcov.ge-ზე გამოქვეყნებული ინფორმაცი

საქართველოში კორონავირუსის 2 171 ახალი შემთხვევა გამოვლინდა

5 მაისი, 2021 , 11:04

საქართველოში კორონავირუსის 2 171 ახალი შემთხვევა გამოვლინდა. ამის შესახებ ინფორმაცია მთავრობის სპეციალურ ვებგვერდ stopcov.ge-ზე ცოტა ხნის წინ განახლდა. ქვეყანაში ბოლო 24 საათში 1 074 ადამიანი გამოჯანმრთელდა. ბოლო დღე-ღამ

1 აშშ დოლარის ოფიციალური ღირებულება 3.4398 ლარი გახდა

4 მაისი, 2021 , 17:30

ეროვნული ბანკის მიერ გამოქვეყნებული მონაცემების თანახმად, დღევანდელი ვაჭრობის შედეგად აშშ დოლარის ღირებულებამ 3.4398 ლარი შეადგინა. კურსი, რომელიც დღეს მოქმედებდა, 3.4503 ლარი იყო. შესაბამისად, დოლარის ცვლილებამ ეროვნულ

თეა წულუკიანმა და დიეგო კოლასმა ლევილის მამულსა და თანამშრომლობის გეგმებთან დაკავშირებით იმსჯელეს

4 მაისი, 2021 , 17:30

საქართველოს კულტურის, სპორტისა და ახალგაზრდობის მინისტრი თეა წულუკიანი და მინისტრის პირველი მოადგილე კახა სიხარულიძე საქართველოში საფრანგეთის ელჩს, დიეგო კოლასს შეხვდნენ და კულტურის, სპორტისა და ახალგაზრდობის მიმართულები

პირდაპირი TV

daily calendar

ვიდეო გალერეა

წითელი პარასკევი - დიდი პარასკევი