უახლესი ამბები
- 18.04.2024 19:05ღრმად იმედგაცრუებულები ვართ საქართველოს პარლამენტის გადაწყვეტილებით კრემლის მიერ შთაგონებული კანონპროექტის დაინიცირების გამო - მეთიუ მილერი
- 18.04.2024 18:29“ვაცხადებთ სრულ კოორდინაციასა და მობილიზაციას კანონის მეორე მოსმენით განხილვის დღისთვის” - ექვსი ოპოზიციური პარტია ერთობლივ განცხადებას ავრცელებს
- 18.04.2024 14:47პაატა კვიჟინაძე ოპოზიციას - ერთ პიროვნებაზე იძახდით, გარბის საქართველოდან, გაფრინდაო, ახლა ამბობთ, შემოდის და აქ აბანდებსო, გაერკვიეთ, რა გინდათ
- 18.04.2024 13:57ივანიშვილი იღებს ზომებს, სანქციების შემთხვევაში ფული საქართველოში გადაიტანოს - ევროპარლამენტარი
- 18.04.2024 13:06კარგი გულიანი ნაცემი ვარ - ალეკო ელისაშვილი
- 18.04.2024 12:41გენდერული კვოტირების გაუქმებას პრეზიდენტმა ვეტო დაადო და პარლამენტს უკვე მიმართა
- 18.04.2024 11:40ირაკლი კობახიძე საქართველოში ევროკავშირის სადამკვირვებლო მისიის ხელმძღვანელს შეხვდა
არქივი
პოლიტიკა
მგონია, წასვლა უნდა და მიზეზად იგონებს - გიორგი გაჩეჩილაძე პრემიერის განცხადებაზე
„მგონია, წასვლა უნდა და ამას იმიზეზებს“, - ასე გამოეხმაურა ბიზნესმენი გიორგი გაჩეჩილაძე (იგივე მომღერალი „უცნობი“) პრემიერ-მინისტრის განცხადებას. გიორგი კვირიკაშვილის თქმით, თუ დადასტურდება გაჩეჩილაძის ბრალდება, რომ მთავრობის წევრები კერძო კომპანიებთან კარტერულ გარიგეგებში არიან გარეული, ის თანამდებობას დატოვებს.
გაჩეჩილაძის თქმით, ის შოკირებულია პრემიერ-მინისტრის განცხადებით.
„არ მიჭირს ბოდიშის მოხდა, გამოვალ და საჯაროდ მოვიხდი ბოდიშს. არც ხეჩიკაშვილზე არ მიჭირს ბოდიშის მოხდა და მით უმეტეს არც გიორგი კვირიკაშვილისთვის.
თუ მე მართალი აღმოვჩნდები, რატომ უნდა გადადგეს, მე არ მითხოვია ამ კაცისთვის, გადადექი-თქო. ეს რა ულტიმატუმების წაყენებაა, მე ვერ გავიგე?
დილიდან რომ დამირეკეს და მითხრეს, პრემიერმა ასეთი განცხადება გააკეთა, ლამისაა, შოკში ვარ.
თუ არის კარტერული გარიგებები, მე უნდა გავჩუმებულიყავი თუ გამოვსულიყავი?“, -თქვა გაჩეჩილაძემ გადაცემაში „დიანა ტრაპაიძის დღის ამბები“.
ბიზნესმენის განმარტებით, ტენდერებთან დაკავშირებით მან უკვე მიმართა კონკურენციის სააგენტოს. გაჩეჩილაძემ აღნიშნა, რომ ასევე საჩივარი შეიტანა სასამართლოში.
გუშინ გიორგი გაჩეჩილაძემ ისაუბრა ტენდერებში კომპანიების მონაწილეობასთან დაკავშირებულ ხარვეზებზე. მისი ინფორმაციით, „სიტროინ ჯორჯიამ“ უსაფუძვლოდ წააგო ჯანდაცვის სამინისტროს მიერ სასწრაფო სამედიცინო დახმარების ავტომობილების ტენდერი.
მეორე საკითხი, რომელიც გაჩეჩილაძემ პრესკონფერენციაზე წამოაყენა, ეხება ერთი და იმავე კომპანიების მონაწილეობას ტენდერებში. მისი თქმით, ისინი კარტელს წარმოადგენენ და მათთანაა დაკავშირებული სპორტისა და ახალგაზრდობის ყოფილი მინისტრი ტარიელ ხეჩიკაშვილი.
გაჩეჩილაძემ განაცხადა, რომ ამ საკითხზე სალაპარაკოდ პრემიერ-მინისტრთან მივიდა, თუმცა გიორგი კვირიკაშვილის მაგივრად მას პრემიერის თანაშემწე შეხვდა, რომელმაც სასამართლოში მიმართვა ურჩია.
ანა მებურიშვილი