უახლესი ამბები
- 29.03.2024 16:43იუსტიციის სახლები შეფერხებით მუშაობენ
- 29.03.2024 16:06ძალადობის, მუქარისა და იძულების ფაქტებზე დაკავებულია სპეციალური პენიტენციური სამსახურის უფროსი ინსპექტორი
- 29.03.2024 15:41არ არის საკმარისი, მხოლოდ ვამაყობდეთ ჩვენი დიასპორით, საჭიროა დროზე მივცეთ მათ ის საშუალება, რაც ეკუთვნით - საარჩევნო უფლება - პრეზიდენტი
- 29.03.2024 15:10ჰოსპიტალიზაცია წინასწარ შეთანხმებულ კლინიკებში, დიდი ოდენობით ქრთამის აღება - 3 პირი დააკავეს, 2-ს ბრალდება წარედგინა
- 29.03.2024 14:52მთავრობის მიზანია, შევინარჩუნოთ მაღალი ეკონომიკური ზრდის მაჩვენებელი და ეკონომიკური ზრდა გავხადოთ უფრო მეტად ინკლუზიური - ვახტანგ ცინცაძე
- 29.03.2024 14:05„ჯორჯიან ეარვეისი“ გერმანიაში, ევრო-2024-ზე ეროვნული ნაკრების თამაშებზე დასწრების მსურველებისთვის სპეციალურ პირდაპირ ფრენებს შეასრულებს
- 29.03.2024 13:54ატმოსფერულ ჰაერში ფიქსირდება მყარი ნაწილაკების შემცველობის მატება - გარემოს ეროვნული სააგენტო
- 29.03.2024 13:40საქართველოს ტერიტორიაზე უახლოეს დღეებში ტემპერატურა 26 გრადუსამდე მოიმატებს - გარემოს ეროვნული სააგენტო
- 29.03.2024 12:02მუნიციპალური ტრანსპორტის ხუთ მარშრუტს 30 მარტიდან ავტობუსები დაემატება და მოცდის ინტერვალი შემცირდება
- 29.03.2024 11:46თავდაცვის მინისტრი საქართველოში ესტონეთის ელჩს შეხვდა
არქივი
საზოგადოება
მიხეილ ჩხენკელი ლაილა გადის შეხვდა
განათლების სფეროში არსებული თანამშრომლობისა და დაგეგმილი პროექტების განხილვის მიზნით, საქართველოს განათლებისა და მეცნიერების მინისტრი მიხეილ ჩხენკელი საქართველოში გაეროს ბავშვთა ფონდის წარმომადგენელს ლაილა გადის შეხვდა.
ნაყოფიერი თანამშრომლობისთვის და პირადი ჩართულობისთვის, იუნისეფის წარმომადგენელმა მინისტრს მადლობა გადაუხადა და განსაკუთრებით აღნიშნა სხვადასხვა სახელმწიფო უწყების, პირველ რიგში კი, საქართველოს განათლებისა და მეცნიერების სამინისტროს ძალისხმევა სკოლებში უსაფრთხო გარემოს შექმნისა და ყოველგვარ ძალადობასთან ბრძოლის მიმართულებით. მინისტრმა ხაზი გაუსვა, რომ ზოგადი განათლების ხარისხის გაზრდასთან ერთად, სასწავლო დაწესებულებებში ძალადობისგან თავისუფალი უსაფრთხო გარემოს შექმნა, სამინისტროს ერთ-ერთი უმნიშვნელოვანესი პრიორიტეტია.
მხარეებს შორის შეხვედრაზე განსაკუთრებული ყურადღება დაეთმო საქართველოს განათლებისა და მეცნიერების სამინისტროს, გაეროს ბავშვთა ფონდსა (UNICEF) და ეკონომიკური თანამშრომლობისა და განვითარების ორგანიზაციას (OECD) შორის პარტნიორობის ფარგლებში დაგეგმილ პროექტს, რომელიც საქართველოში ზოგადი განათლების სისტემის შეფასებასა და შემდგომში სამოქმედო გეგმის შემუშავებას ითვალისწინებს. მხარებმა დეტალურად ისაუბრეს პროექტის სხვადასხვა კომპონენტებსა და დროში გაწერილ აქტივობებზე.
შეხვედრაზე საუბარი შეეხო ასევე საქართველოს განათლებისა და მეცნიერების სამინისტროს, ესტონეთის მთავრობასა და გაეროს ბავშვთა ფონდს შორის სამმხრივი თანამშრომლობის ფარგლებში მიმდინარე წარმატებულ პროექტს, რომელიც ახალი ეროვნული სასწავლო გეგმის დანერგვის ხელშემწყობის აქტივობების განხორციელებას ისახავს მიზნად.
შეხვედრის ბოლოს, მინისტრმა საქართველოში იუნისეფის წარმომადგენელს თანამშრომლობისთვისა და მხარდაჭერისთვის მადლობა გადაუხადა.