უკან

უახლესი ამბები

დღის კალენდარი

ანონსები

არქივი

საზოგადოება

16 აგვისტო, 2019 15:51
font-size

მიხეილ სააკაშვილი `იმედის` დოკუმენტურ ფილმს ეხმაურება

საქართველოს ყოფილი პრეზიდენტი, მიხეილ სააკაშვილი "იმედის" დოკუმენტურ ფილმს ეხმაურება, სადაც აგვისტოს ომის დაწყებაში წინა ხელისუფლება არის დადანაშაულებული და რუსეთის აგრესიული პოლიტიკა და ბრალეულობა უკანა პლანზეა გადატანილი.

მიხეილ სააკაშვილი კრიტიკულად აფასებს ფილმის შინაარს და უსაფუძვლოს უწოდებს ბრალდებას, რომ თითქოს მან ომი მხოლოდ იმის გამო დაიწყო, რომ პოლიტიკური სიტუაცია შერყეული ჰქონდა.

"მე, ჯერჯერობით, ცოცხალი ვარ და შემიძლია ზუსტად მოგიყვეთ რა მამოძრავებდა, რა იყო მიზეზები და ეს არაერთხელ მომიყოლია. მაგრამ ის ბრალდება, რომ თურმე ჩვენ დავიწყეთ ომი იმის გამო, რომ მე მქონდა შერყეული პოლიტიკური სიტუაცია საქართველოში, გათვლილი არის კლინიკურ იდიოტებსა და უბრალოდ სკლერიოზიან ადამიანებზე.

„2007 წელს მართლაც ჩვენს წინააღმდეგ იყო გამოსვლები, მე გადავდექი, განსხვავებით ამათგან და ახალი არჩევნები, ჯერ საპრეზიდენტო არჩევნები მოვიგეთ და შემდეგ, რამდენიმე თვეში, ვისაც არ ახსოვს მინდა შევახსენო, მოვიგეთ უზარმაზარი უპირატესობით საპარლამენტო არჩევნები და გვქონდა ერთპიროვნული კონსტიტუციური უმრავლესობა საქართველოს პარლამენტში. ჩვენს ხელისუფლებას საერთოდ არაფერი არ ემუქრებოდა. სწორედ მას შემდეგ, რაც რუსეთმა ამოწურა ყველა შესაძლებლობა შიდა დესტაბილიზაციის, პროვოკაციების, ყველაფერ ამის შემდეგ, როცა ჩვენ განვიმტკიცეთ ხელისუფლება, პუტინმა გადაწყვიტა საქართველოზე თავდასხმა. ჩვენ კი არ დავესხით მათ თავს იმიტომ, რომ ხელისუფლება შეგვერყა, პირიქით, იმის გამო, რომ განვამტკიცეთ ხელისუფლება, მან გადაწყვიტა ჩვენზე თავდასხმა, ეს არის სიმართლე", - ამბობს სააკაშვილი.

"ნაციონალური მოძრაობის" ლიდერი ამბობს, რომ აღნიშნული ფილმის შექმნის ინიციატორები პუტინთან არიან კავშირში და რუსულ დავალებას ასრულებს.

„მე იმათაც მინდა ვუთხრა, ვისაც ეს ჰგონია შემთხვევითობა და ვიღაცის თვითშემოქმედება. ხაბურძანია იყო პუტინის კაცი, პუტინმა ეს მე მითხრა პირადად, ლალიაშვილი იყო მისი მარჯვენა ხელი, ლალიაშვილი, რა თქმა უნდა, რუსეთთან არის კავშირში, ისევე, როგორც ამ დღეებში აქტიურობს, ის იყო თავის დროზე საქართველოს დიპლომატიურ მისიაში ჩანერგილო, ასევე კაგებეშნიკ პეტრე ჩხეიძის მიერ და იყო კგბ-ს წარმომადგენელი საქართველოს საგარეო სამსახურში, ეს ვიცით ყველამ და ვისაც ამ საქმესთან ჰქონდა შეხება და ეს ხალხი აქტიურობს დღეს. ეს არის რუსული დავალება", - ამბობს სააკაშვილი.

მიხეილ სააკაშვილი იმ მთავარ მიზნებზე საუბრობს, რაც ამ ფილმს აქვს. მესამე პრეზიდენტის თქმით, იგეგმება ჰააგის სასამართლოში ქართველი ჯარისკაცების გასამართლება, რის გამოც საზოგადოებრივი აზრის შეცვლა სურს ივანიშვილის ხელისუფლებას.

ამას გარდა, ფილმის ერთ-ერთ მთავარ მიზნად, მიხეილ სააკაშვილი პუტინის განზრახვას ასახელებს, რომელსაც შიდა ქართლის ანექსია სურს.

"ეს ფილმი არის რუსული დავალება და მას აქვს კონკრეტული ორი მიზანი - რუსეთი ამზადებს საფუძველს, ეს უნდა გვახსოვდეს ყველას, რომ უახლოეს კვირებსა და თვეებში, მას შემდეგ, რაც იმუშავა წულუკიანმა ივანიშვილის დავალებით, ქართულ სამხედროებს წაუყენონ ჰააგის სისხლის სამართლის სასამართლოში ბრალი, წულუკიანი ამაზე ძალიან ბევრს მუშაობს და ძალიან უნდა, რომ ეს მოხდეს და ამისთვის ამზადებენ საზოგადოებრივ აზრს, უნდა აჩვენონ საერთაშორისო თანამეგობრობას, რომ ეს არის ქართული საზოგადოებრივი აზრი, ეს არის პირველი საფუძველი, ჰააგაში საქართველოს გამტყუნება და მეორე საფუძველი, რასაც ამზადებს პუტინი ეს არის, ე.წ. სამხრეთ ოსეთის, სინამდვილეში, შიდა ქართლის ანექსია რუსეთის ფედერაციის მიერ, მათ მიერ ჩვენი ტერიტორიის საბოლოო მიტაცება, ეს არის, რისთვისაც ისინი ემზადებიან და რისთვისაც არის ეს ფილმი გაკეთებული. ამგვარად, მე მიხარია, რომ ქართული საზოგადოება იღებს ხმას და ასეთ რაღაცებს ივანიშვილი და მისი პატრონები ჩვენ უკვე ასე ადვილად ვეღარ გვახვევენ თავს“, - განაცხადა მიხეილ სააკაშვილმა.

„მედიაკრიტიკა“ - ანუ როცა მეთიუ ბრაიზა, კურტ ვოლკერი და ბრიტანეთის სახელმწიფო მინისტრი „კარის პოეტები“ გგონია...

19 სექტემბერი, 2020 , 12:39

ორიოდე სიტყვა ბლოგის შესახებ: მართალია, ბლოგი განსხვავებული მიმართულებაა და გაცილებით მეტ თავისუფლებას იძლევა მოქმედებისას, ვიდრე სხვა ჟურნალისტური პროდუქტი, მაგრამ ისევე როგორც ყველა სხვა ჟურნალისტური პროდუქტი, ისიც ითხ

კორონავირუსის 187 ახალი შემთხვევიდან 116 აჭარაში დადასტურდა

19 სექტემბერი, 2020 , 12:05

ინფექციური საავადმყოფოს სამედიცინო დირექტორის მარინა ეზუგბაიას ინფორმაციით, კორონავირუსის 187 ახალი შემთხვევიდან 116 აჭარაში დადასტურდა, 30 კი თბილისში. „დაგვემატა 187 ახალი შემთხვევა, ჯამში 3306 დადასტურებული შემთ

„ერთიანი საქართველო“ ონლაინ სწავლებასთან დაკავშირებულ საკითხებზე ხელისუფლებას მიმართავს

19 სექტემბერი, 2020 , 12:05

მოვუწოდებთ ხელისუფლებას, ონლაინ სწავლების პერიოდში, საგანმანათლებლო სფეროში მოღვაწე საჯარო მოხელეებსა და საკუთარ ელექტრონულ ბაზაში აღრიცხულ საჯარო სკოლების მოსწავლეებს მიაწოდოს ინტერნეტ მომსახურება უფასოდ“,- ამის შ

საქართველოში სამხედრო ავიაციის დღე აღინიშნება

19 სექტემბერი, 2020 , 11:10

19 სექტემბერი სამხედრო ავიაციის დღეა. საქართველოს თავდაცვის სამინისტროს ცნობით, ქართული სამხედრო ავიაციის ისტორია საქართველოს დემოკრატიული რესპუბლიკის პერიოდიდან იწყება, როდესაც 1918 წლის 20 აგვისტოს, საქართველოს პარლამე

საქართველოში კორონავირუსის 187 ახალი შემთხვევა გამოვლინდა

19 სექტემბერი, 2020 , 10:30

საქართველოში კორონავირუსის 187 ახალი შემთხვევა გამოვლინდა და ინფიცირების შემთხვევათა რაოდენობა 3306-ს შეადგენს. ამის შესახებ ინფორმაცია მთავრობის მიერ სპეციალურად შექმნილ ვებ-გვერდზე, stopcov.ge-ზეა განთავსებული. გამოჯან

უბედური შემთხვევა ავტომაგისტრალზე - გარდაცვლილია ერთი ადამიანი, ათი კი დაშავებულია

19 სექტემბერი, 2020 , 10:30

ცენტრალური ავტომაგისტრალის ქარელი-ხაშურის მონაკვეთზე ავტოსაგზაო შემთხვევა მოხდა. საჩხერიდან თბილისისკენ მიმავალი სამგზავრო მიკროავტობუსი გზის სავალი ნაწილიდან გადავარდა. შემთხვევის შედეგად მიკროავტობუსის ერთი მგზავრი ადგ