უკან
უახლესი ამბები
არქივი
მსოფლიო
5 დეკემბერი, 2017 14:30
მიხეილ სააკაშვილი უკრაინის თავის ტკივილია, ასეთს მტერსაც არ ვუსურვებ - დიმიტრი პესკოვი
რუსეთის პრეზიდენტის პრესმდივანი დიმიტრი პესკოვი კიევში საქართველოს ყოფილი პრეზიდენტისა და ოდესის ექს-გუბერნატორის, მიხეილ სააკაშვილის დაკავებას გამოეხმაურა. მან სააკაშვილი უკრაინის „თავის ტკივილი“ უწოდა, რასაც მტერს არ უსურვებს.
„ინტერესით ვაკვირდებით მიმდინარე მოვლენებს. რა თქმა უნდა, ეს უკრაინის თავის ტკივილია, და ვიტყოდი, რომ ასეთს მტერსაც არ ვუსურვებ. თუმცა, რა თქმა უნდა, არ მივიჩნევთ უკრაინელ ერს მტრად“, - თქვა პესკოვმა.
მიხეილ სააკაშვილი დღეს დააკავეს. მას დანაშაულებრივი ორგანიზაციის წევრებთან თანამშრომლობასა და მათი დანაშაულებრივი საქმიანობის დაფარვაში ადანაშაულებენ, რაც 3-დან 5წლამდე თავისუფლების აღკვეთით ისჯება.
ანა მებურიშვილი