მსოფლიო
მიხეილ სააკაშვილის ღამის საათებში შინაპატიმრობის ვადა ამოეწურა
დღეს ღამით საქართველოს ყოფილ პრეზიდენტსა და ოდესის ექს-გუბერნატორს, მიხეილ სააკაშვილს ღამის შინაპატიმრობისა და კიევიდან გასვლაზე დაწესებული შეზღუდვების ვადა ამოეწურა. ამის შესახებ სააკაშვილის ადვოკატმა რუსლან ჩერნოლუცკიმ „ინტერფაქს-უკრაინას“ განუცხადა.
„მიხეილ სააკაშვილისთვის ეჭვმიტანილად ცნობის ოქმის ჩაბარების მცდელობა პროკურატურის მიერ თარიღდება 5 დეკემბრით. ასეთ შემთხვევაში, აღკვეთის ღონისძიების შესახებ გადაწყვეტილების ათვლა უნდა იწყებოდეს 5 დეკემბრიდან, ბრალდების წაყენებისა და გამოქვეყნების მომენტიდან. უფრო ზუსტად, მას ეჭვმიტანილად ცნობის ოქმი ფოსტით 6 დეკემბერს გაუგზავნეს. კიევის სააპელაციო სასამართლოს გადაწყვეტილების თანახმად, აღკვეთის ზომის ვადა იწურება 6 თებერვლის ღამით, რაც ნიშნავს, რომ აღკვეთის ღონისძიება ავტომატურად უქმდება“, – განაცხადა ჩერნოლუცკიმ.
მისივე თქმით, თუკი გენერალური პროკურატრურა სააკაშვილისთვის აღკვეთი ღონისძიების გახანგძლივებას მოინდომებს, მან სასამართლოს უნდა მიმართოს დასაბუთებული მიზეზებით.
გენერალურ პროკურატურას შინაპატიმრობის გახანგძლივების მოთხოვნა არ დაუყენებია. ჩერნოლუცკის ვარაუდით, უკრაინული მხარე სააკაშვილის ექსტრადირებისთვის ემზადება.
კიევის სააპელაციო სასამართლომ „ახალი ძალების მოძრაობის“ ლიდერს ღამის საათებში შინაპატიმრობა 26 იანვარს შეუფარდა.