სამართალი

მიხეილ სააკაშვილის მიერ ადვოკატების აცილება სასამართლო პროცესის გაჭიანურებას ემსახურება - ირაკლი ნადარეიშვილი

მიხეილ სააკაშვილის მიერ ადვოკატების აცილება, დაცვის მხარის ტაქტიკური ნაბიჯი იყო, რომელიც სასამართლო პროცესის გაჭიანურებას ემსახურება, - განაცხადა სანდრო გირგვლიანის საქმეზე, მიხეილ სააკაშვილის ბრალდების საქმის პროკურორმა ირაკლი ნადარეიშვილმა.

მისი თქმით, დაცვის მხარეს აქამდეც არაერთხელ დაუფიქსირებია, რომ მათ სურდათ ვადაში გაწელილიყო პროცესი.

როგორც პროკურორმა აღნიშნა, დაცვის მხარეს ყველანაირი საშუალება ჰქონდა, რათა მოწმეები დაეკითხა და საკუთარი მტკიცებულებები გამოეკვლია.

"ადვოკატის აცილებისთვის საჭირო ვერანაირი დოკუმენტი მე დღეს ვერ ვნახე, რომელიც ადასტურებს მიხეილ სააკაშვილის პოზიციას. არც საჯარო განცხადება გაუკეთებია ბრალდებულს ამაზე და არც რაიმე სატელევიზიო ინტერვიუს დროს. ჩვენ მხოლოდ ადვოკატთა სიტყვის კეთილსინდისიერებას ვეყრდნობით და არა რაიმე სახის ოფიციალურ დოკუმენტს ან ბრალდებულის ოფიციალურ განცხადებას", - განაცხადა ირაკლი ნადარეიშვილმა.

შეგახსენებთ, რომ მიხეილ სააკაშვილმა საქართველოს სასამართლოებში მიმდინარე სანდრო გირგვლიანის საქმეზე ადვოკატები აიცილა.