სამართალი
მიხეილ სააკაშვილმა საქართველოს სასამართლოებში მიმდინარე საქმეებზე ადვოკატები აიცილა
საქართველოს ყოფილმა პრეზიდენტმა მიხეილ სააკაშვილმა საქართველოს სასამართლოებში მიმდინარე საქმეებზე ადვოკატები აიცილა. სააკაშვილი უარს ამბობს შეთანხმებით აყვანილი ადვოკატების მომსახურებაზე და მისი დაცვა სახელმწიფოს ხარჯზე მოხდება.
ბრალდებულის პოზიცია ადვოკატებმა საქალაქო სასამართლოში გააჟღერეს, სადაც სანდრო გირგვლიანის საქმეზე დაცვის მხარეს დღეს დასკვნითი სიტყვა უნდა ეთქვა.
მათი თქმით, ბრალდებულის გადაწყვეტილების საფუძველი სტრასბურგის სასამართლოს მიერ ვანო მერაბიშვილის მიმართ გამოტანილი გადაწყვეტილება გახდა.
ადვოკატების განცხადებით, სააკაშვილი უნდობლობას უცხადებს ქართულ მართლმსაჯულებას.
როგორც ადვოკატმა დავით კაკოიშვილმა აღნიშნა, უკრაინაში განვითარებული მოვლენების ფონზე იკვეთება ქართული და უკრაინული სამართალდამცავი უწყებების თანამშრომლობა, რათა მოხდეს მისი ექსტრადირება საქართველოში.