მსოფლიო

მიხეილ სააკაშვილმა უკრაინის საზღვარი უკრაინის მოქალაქის დაკარგული საზღვარგარეთის პასპორტით გადაკვეთა - ვასილი სერვატიუკი

საქართველოს ექს-პრეზიდენტმა და ოდესის ყოფილმა გუბერნატორმა მიხეილ სააკაშვილმა უკრაინა-პოლონეთის საზღვარი უკრაინის მოქალაქის საზღვარგარეთის პასპორტით გადაკვეთა, რომელიც ინტერპოლის ბაზაში დაკარგულად იყო მითითებული.

ამის შესახებ უკრაინის სასაზღვრო სამსახურის უფროსის მოადგილემ, ვასილი სერვატიუკმა სამართალდამცავი საქმიანობის უზრუნველყოფის საკანონმდებლო საკითხებში საპარლამენტო კომიტეტის სხდომაზე განაცხადა, - წერს Українські Новини.

სერვატიუკის განმარტებით, ეს ინფორმაცია მათ პოლონურმა მხარემ მიაწოდა.

უკრაინამ პოლონეთს კითხვით მიმართა, თუ რა დოკუმენტებით გაიარა სააკაშვილმა საბაჟო პროცედურები.

მიხეილ სააკაშვილი სასაზღვრო-გამშვები პუნქტი „შეგინი“ 10 სექტემბერს გადაკვეთა. მომდევნო დღეს მან განაცხადა, რომ უკრაინის საზღვარზე მას პასპორტი მოპარეს.

ანა მებურიშვილი