მსოფლიო

მიხეილ სააკაშვილი სახურავზე ავიდა და გადმოხტომით იმუქრებოდა

მიხეილ სააკაშვილი, რომელიც მაიდანთან მდებარე მის ბინაში ჩხრეკის გამო შენობის სახურავზე ავიდა, გადმოხტომით იმუქრებოდა, - იუწყება უკრაინული სააგენტო lb.ua.

გამოცემის ინფორმაციით, მაშველები სახანძრო კიბით ავიდნენ სახურავზე.

სააკაშვილის ბინასთან იმყოფება უკრაინის უშიშროების სამსახურის სპეცრაზმი.

როგორც უკრაინის გენერალური პროკურორის ყოფილმა მოადგილემ დავით საყვარელიძემ ფეისბუქის პირად გვერდზე დაწერა, იმ ბინის კარებს, რომელშიც მიხეილ სააკაშვილი იმყოფება, სპეცრაზმი ამტვრევს.

უკრაინის უშიშროების სამსახურში ადასტურებენ, რომ ოდესის ოლქის ყოფილი ხელმძღვანელის ბინაში ჩხრეკა მიმდინარეობს. უწყებაში ამბობენ, რომ ჩხრეკა მიმდინარე სისხლის სამართლებრივი საქმის წარმოების ფარგლებში ტარდება.

თუმცა, უკრაინული მედიის ინფორმაციით, რომელ სისხლის სამართლებრივ წარმოებაზეა საუბარი,უსაფრთხოების სამსახურში არ აკონკრეტებენ.

ნინო ექვთიმიშვილი