უახლესი ამბები
- 25.04.2024 14:27ბოლო ბრალდებების კონტექსტის გათვალისწინებით, ევროპარლამენტის წევრები არ კოორდინირებენ თავიანთი წარმოშობის ქვეყნებთან და არ წარმოადგენენ მათ პოზიციებს - ლიეტუვის საელჩო
- 25.04.2024 13:43საქართველოს ბანკის მხარდაჭერით აჭარა კოლექტივი რადიო ქალაქის პროექტს ახორციელებს
- 25.04.2024 13:33პიჯაკების საქმის პროცესებზე, დარბაზში დამსწრეთა რაოდენობა შეიზღუდება - მოსამართლის გადაწყვეტილება
- 25.04.2024 13:21ეს არ არის ჩვეულებრივი არჩევნები და არ შეიძლება მოვიქცეთ ჩვეულებრივად, ჩვენ გვჭირდება ერთიანი სია - მიხეილ სააკაშვილი
- 25.04.2024 12:59საქართველოს პროკურატურამ საფრანგეთის, შვეიცარიის და ლიეტუვის უწყებების წარმომადგენლების ჩართულობით, ფართომასშტაბიანი ტრანსნაციონალური დანაშაული გახსნა
- 25.04.2024 11:11ჩვენ არ გვინდა ევროპა ქრისტიანობის გარეშე, ევროპა, სადაც სქესი არჩევითია, გვინდა ევროპა, რომელმაც იცის სუვერენიტეტის, იდენტობის, დემოკრატიის, ღირსებისა და ქრისტიანული მორალის ფასი - „ხალხის ძალა“
- 25.04.2024 10:43ჯგუფურად კომერციული მოსყიდვის ფაქტზე ერთი პირი დააკავეს, ხოლო ერთი ამხილეს
არქივი
პოლიტიკა
მიმდინარეობს მიზანმიმართული შეტევა ეკლესიაზე - კახა კუკავა
ტელეკომპანია „რუსთავი 2“-თან განვითარებულ მოვლენებთან დაკავშირებით, ცალსახად გვსურს განვაცხადოთ, რომ ჩვენი პარტიისთვის მიუღებელია ყველა ტიპის ძალადობა და არანაირად არ გვსურს გავამართლოთ ერთ-ერთი საზოგადოებრივი ჯგუფის ცალკეული წევრების უკანონო ქმედებები, - ამის შესახებ ნათქვამია ,,თავისუფალი საქართველოს“ ლიდერის, კახა კუკავას მიერ პარტიის სახელით გავრცელებულ განცხადებაში.
,,ამასთან, მიგვაჩნია, რომ თითოეულ მსგავს შემთხვევაზე უნდა დადგეს ცალკეული პირების პასუხისმგებლობა განხორციელებული ქმედების სიმძიმის და არა გავლენიანი ჯგუფების პოლიტიკური დაკვეთის შესაბამისად.
ამავდროულად, ჩვენი გაკვირვება გამოიწვია ბოლო დღეებში ე.წ. „პრო-დასავლური“ პარტიების მხრიდან გაკეთებულმა განცხადებებმა, რომელთაც დაგმეს ჟურნალისტების მიმართ ძალადობა, გააქილიკეს საპატრიარქოს მიერ გავრცელებული განცხადება, მაგრამ დუმილით აუარეს გვერდი ტელეწამყვანის მიერ პირდაპირ ეთერში გაჟღერებულ უპრეცენდენტო მკრეხელობას, რაც გამოიხატა ქრისტიანული ეკლესიის და მრევლის რელიგიური გრძნობების შეურაცხყოფაში. მსგავსი ცალმხრივი პოზიცია, შესაძლოა აღქმული იყოს, როგორც ამ პარტიების მხრიდან ჟურნალისტის ცინიკური გამონათქვამის ღია მხარდაჭერა.
კიდევ უფრო მოულოდნელი იყო ტელეკომპანიის ეთერში სხვადასხვა რელიგიური გაერთიანებების (პროტესტანტული, მუსლიმური) წარმომადგენლების განცხადებები, სადაც მათ ფაქტობრივად გაამართლეს გიორგი გაბუნიას გამონათქვამი, რაც კიდევ ერთხელ აჩენს კითხვის ნიშნებს ამ გაერთიანებების რეალური ბუნებისა და მათი მიზნების შესაებ.
ვფიქრობთ, ბოლო დღეებში განვითარებულმა მოვლენებმა ფარდა ახადა რეალურად მიმდინარე პროცესს, როდესაც სპეც-სამსახურები, პოლიტიკური პარტიები (როგორც სახელისუფლებო, ისე ოპოზიციური), არასამთავრობო სექტორი და მედია ჩართული არიან მართლმადიდებლური ეკლესიის წინააღმდეგ წარმოებულ მიზანმიმართულ და მასირებულ შეტევაში.
ცალკე აღნიშვნის ღირსია ის გარემოება, რომ ამ შეტევისათვის სასურველი ფონი შექმნა თავად ეკლესიის შიგნით განვითარებულმა არაჯანსაღმა პროცესებმა და ზოგიერთი სასულიერო პირის ორჭოფულმა, საზოგადოებისთვის გაუგებარმა პოზიციებმა რიგ საკითხებზე.
მოვუწოდებთ საქართველოს ყველა ეროვნულ ძალას (როგორც პოლიტიკურ, ისე არაპოლიტიკურს), ერთობლივი ძალისხმევით დავიწყოთ 2018 წლის 17 მაისისთვის ფართომასშტაბიანი მანიფესტაციის ორგანიზება, რომელიც მიმართული იქნება ანტიმართლმადიდებლური, უზნეო, ნეო-ლიბერლური შტურმის წინააღმდეგ“, - აცხადებს კახა კუკავა.