პოლიტიკა
მინისტერილის დღის წესრიგი მკაცრად იყო განსაზღვრული და მასში ასპირანტი და პარტნიორი ქვეყნები მონაწილეობას ვერ მიიღებდნენ- ალექსანდრე მაისურაძე
ნატოში საქართველოს ელჩის ალექსანდრე მაისურაძის განმარტებით, ნატოს მინისტერიალის დღის წესრიგი მკაცრად იყო განსაზღვრული და მასში ასპირანტი და პარტნიორი ქვეყნები მონაწილეობას ვერ მიიღებდნენ.
ამის შესახებ მაისურაძემ მედიასთან საზოგადოებაში გაჩენილი იმ კითხვის საპასუხოდ განაცხადა, რომლის მიხედვით, ლევან იზორიამ მინისტერიალში მონაწილეობა არ მიიღო.
„ეს იყო მინისტერიალი, რომლის დღის წესრიგის საკითხები განსაზღვრული წინასწარ იყო, რომლებიც შეეხებოდა ალიანსის თავდაცვისუნარიანობას, პირველ რიგში. აქედან გამომდინარე ალიანსმა მიიღო გადაწყვეტილება, რომ ეს ყოფილიყო მკაცრად ალიანსის წევრი სახელმწიფოების ფორმატში და შესაბამისად არც ერთი ასპირანტი და პარტნიორი სახელმწიფო არ ღებულობდა მინისტერიალის მუშაობაში მონაწილეობას.
რაც შეეხება თემებს, თემები არის ძალიან მნიშვნელოვანი. საქართველო არის ძალიან აქტიურად ჩართული შავი ზღვის უსაფრთხოების საკითბეთან დაკავშირებით მიმდინარე სტრატეგიულ დისკუსიებში. ამას გარდა, ალიანსთან მიმართებაში ჩვენი დღის წესრიგი ძალიან აქტიურია“,-აღნიშნა მაისურაძემ.
მონიკა დავლიანიძე