კომენტარი

მინისტრები 300 ათას ევრომდე ღირებულების ავტომობილებს ითხოვდნენ - ზაზა ოქუაშვილი

,,ომეგა ჯგუფის" დამფუძნებელი ზაზა ოქუაშვილი მინისტრთა კაბინეტის იმ ყოფილ წევრებზე საუბრობს, რომლებიც მას, ,,ომეგა მოტორსიდან" ძვირადღირებულ ავტომობილებს სთხოვდნენ.

მისი თქმით, როგორც ჩანს მინისტრებს ჰქონდათ გარკვეული ლიმიტი, რადგან მათ 300 ათას ევროზე მეტი ღირებულების მანქანები არ მოუთხოვიათ, ივანიშვილი კი პირდაპირ მილიონებზე საუბრობდა.

„მინისტრებისგან მოთხოვნილი იყო მანქანები. იყო მოთხოვნილი მანქანები ცოტა უფრო თავშეკავებული - ხადურისთვის, მოთხოვნილი იყო მინი კუპერი, რომელიც ვერ მიიღო და აგრეთვე იყო მოთხოვნილი მანქანები დაახლოებით 300 ათასის ფარგლებში ქუმსიშვილისთვის. ეს იყო ლიმიტი მინისტრების, ხოლო ლიმიტის შემდეგ საკითხის გადაწყვეტისთვის იყო პროცენტები უკვე. ლიმიტი იყო ის, რომ 300 ათას არ სცდებოდა ქუმსიშვილი, მაშინ როცა ყიფიანი და სხვა იგივე, ფარცხალაძე, მილიონების ქვევით არ ჩამოდიოდნენ და ამ მილიონებიდან უკლებლად ფული მიდიოდა ივანიშვილთან,“ - განაცხადა ზაზა ოქუაშვილმა.