უკან

სამართალი

7 დეკემბერი, 2018 13:00
font-size

მინისტრთა კომიტეტი მერაბიშვილის საქმეზე გადაწყვეტილების აღსრულების საკითხს მარტის სხდომაზე აღარ განიხილავს და ივნისის სხდომაზე დაუბრუნდება

ევროპის საბჭოს მინისტთა კომიტეტი 2019 წლის გაზაფხულზე ჩანიშნულ სხდომაზე ივანე მერაბიშვილის საქმეზე სტრასბურგის სასამართლოს გადაწყვეტილების აღსრულების საკითხს არ განიხილავს. კომიტეტმა მოიწონა ის ღონისძიებები, რომელთაც საქართველოს მთავრობა ატარებს სტრასბურგის სასამართლოს გადაწყვეტილების აღსასრულებლად და თქვა, რომ 2019 წლის გაზაფხულზე ჩანიშნულ სხდომაზე კომიტეტი ამ საკითხზე აღარ იმსჯელებს და მხოლოდ ივნისში დაუბრუნდება აღსრულების პროცესის მიმდინარეობას. ამის შესახებ კომიტეტის მიერ მომზადებულ დოკუმენტშია ნათქვამი, რომელიც 4 დეკემბრის სხდომაზე დამტკიცდა და გუშინ გამოქვეყნდა.

ინფორმაციას საქართველოს იუსტიციის სამინისტრო ავრცელებს.

ევროპის საბჭო სტრასბურგის სასამართლოს გადაწყვეტილების აღსრულების საკითხს მონიტორინგს საქმის აღსრულების დახურვამდე უწევს და პროცესის მიმდინარეობას დროდადრო აფასებს. აღსანიშნავია, რომ ივანე მერაბიშვილის დაცვის მხარემ ევროპის საბჭოს ივანე მერაბიშვილის საქმის აღსრულების პროცესის განხილვის თხოვნით რამდენჯერმე მიმართა და მოითხოვა მოსმენის ჩანიშვნა ჯერ მიმდინარე წლის მარტში, შემდეგ − ივნისში, თუმცა, მინისტრთა კომიტეტმა მერაბიშვილის საქმის აღსრულების პროცესი მხოლოდ მიმდინარე წლის დეკემბერში განიხილა.

მინისტრთა კომიტეტი სტრასბურგის სასამართლოს გადაწყვეტილებათა აღსრულებაზე ზედამხედველობის მიზნით იკრიბება წელიწადში ოთხჯერ − მარტში, ივნისში, სექტემბერსა და დეკემბერში. კომიტეტის წევრები − ევროპის საბჭოს 47 ქვეყნის წარმომადგენლები − კენჭს უყრიან დოკუმენტს სტრასბურგის გადაწყვეტილების აღსრულების პროცესის მიმდინარეობის შესახებ. რეზოლუციაში მითითებულია საქმის აღსრულების ხელახალი მონიტორინგის თარიღიც.

საქართველოს მთავრობის მიერ სტრასბურგის სასამართლოს დიდი პალატის გადაწყვეტილების -„მერაბიშვილი საქართველოს წინააღმდეგ“ - აღსრულების საკითხი მინისტრთა კომიტეტმა პირველად 4 დეკემბერს შეაფასა და მიიჩნია, რომ მიზანშეწონილი და აუცილებელი არ არის მთავრობისთვის ივანე მერაბიშვილის ციხიდან გათავისუფლების მოთხოვნა.

კომიტეტმა მოიწონა, რომ

2013 წელს მომჩივნის საკნიდან გაყვანის ეპიზოდზე ეროვნულ დონეზე გამოძიება განახლდა;

2018 წლის 25 ოქტომბერს მთავრობამ დაამტკიცა “სისხლის სამართლის საპროცესო კოდექსში” იუსტიციის სამინისტროს მიერ შეთავაზებული საკანონმდებლო ცვლილებები, რომლის მიზანია ფარული და კომპიუტერულ მონაცემთან დაკავშირებული საგამოძიებო მოქმედებების ჩატარება სამოხელეო დანაშაულებზე, რაც იყო კიდეც მინისტრთა კომიტეტის მოთხოვნა;

ახალი კონსტიტუციის ძალაში შესვლის შედეგად პროკურატურის ორგანოები დამოუკიდებელ ინსტიტუტად ჩამოყალიბდება;

2015 წელს საქართველოს სისხლის სამართლის საპროცესო კოდექსში განხორციელებული ცვლილებები უზრუნველყოფს სასამართლოებისათვის წინასწარ პატიმრობაზე ეფექტიანი ზედამხედველობის განხორციელების საშუალებას და მათ ავალდებულებს ეს ზედამხედველობითი ფუნქცია ავტომატურად, გონივრული ხანგამოშვებით შეასრულონ;

2018 წლის ივლისში საქართველოს იუსტიციისა და სასჯელაღსრულებისა და პრობაციის სამინისტროების შერწყმის შემდგომ პერიოდში დაწყებულია მუშაობა იმ მიზნით, რომ 2019 წლიდან სასჯელაღსრულებისა და თავისუფლების აღკვეთის დაწესებულებებში ვიდეომეთვალყურეობის ჩანაწერების შენახვა ამჟამად არსებულ 5-დღიან ვადაზე უფრო ხანგრძლივი პერიოდით გახდეს შესაძლებელი.

დოკუმენტი ხელმისაწვდომია ბმულზე https://search.coe.int/cm/pages/result_details.aspx?objectid=09000016808effbe

საგადასახადო სამართალდარღვევის 540 ფაქტი გამოვლინდა

20 მაისი, 2019 , 17:20

13 - 19 მაისს, ფინანსთა სამინისტროს შემოსავლების სამსახურის საგადასახადო მონიტორინგის დეპარტამენტის მიერ, ქვეყნის მასშტაბით განხორციელებული მიმდინარე კონტროლის ღონისძიების შედეგად, საგადასახადო სამართალდარღვევის 540 ფაქტ

სარფსა და წითელ ხიდზე არადეკლარირებული სიგარეტი აღმოაჩინეს

20 მაისი, 2019 , 15:05

საბაჟო გამშვებ პუნქტებში „სარფი“ და „წითელი ხიდი“ 14-19 მაისს ქვეყნის საზღვარზე არადეკლარირებული სიგარეტის კანონდარღვევით შემოტანის მცდელობის ფაქტები აღიკვეთა. ფინანსთა სამინისტროს შემოსავლების სა

საფეხბურთო მატჩების ჩაწყობის ფაქტზე 8 მოქმედი და 3 ყოფილი ფეხბურთელია დაკავებული

20 მაისი, 2019 , 15:05

ანტიკორუფციული სააგენტოს თანამშრომლებმა ჩატარებული ოპერატიულ-სამძებრო და საგამოძიებო მოქმედებების შედეგად, სპორტული შეჯიბრების მონაწილეთა მოსყიდვისა და მეორე და უმაღლეს ლიგაში მოასპარეზე ფეხბურთელების მიერ მატჩების ჩაწყო

აზერბაიჯანის მოქალაქეს არადეკლარირებული ოქრო აღმოუჩინეს

20 მაისი, 2019 , 13:45

საბაჟო გამშვებ პუნქტში "წითელი ხიდი", 7,538.69 ლარის ღირებულების არადეკლარირებული ოქროს ნაკეთობები (საერთო წონა 92,85 გრამი) ამოიღეს. საბაჟო გამშვებ პუნქტში „წითელი ხიდი“, ფინანსთა სამინისტროს შემოსავლების სა

ოზურგეთში, 16 წლის ასაკს მიუღწეველთან გარყვნილ ქმედებასა და თვითმკვლელობამდე მიყვანაში ბრალდებულს 7 წლით თავისუფლების აღკვეთა მიესაჯა

20 მაისი, 2019 , 13:45

ოზურგეთის რაიონულმა სასამართლომ სრულად გაიზიარა ბრალდების მხარის მიერ წარდგენილი მტკიცებულებები და თექვსმეტი წლის ასაკს მიუღწეველთან გარყვნილ ქმედებასა და თვითმკვლელობამდე მიყვანაში ბრალდებული მ. თ. დამნაშავედ ცნო. როგორ

სამინისტროს კომპეტენციას მიკუთვნებული რაიმე ინციდენტი ამ ეტაპამდე არ დაფიქსირებულა - ნათია მეზვრიშვილი

19 მაისი, 2019 , 10:34

შინაგან საქმეთა მინისტრის მოადგილე, ნათია მეზვრიშვილმა შინაგან საქმეთა სამინსიტროს მიერ არჩევნების პერიოდში მართლწესრიგისა და უსაფრთხოების უზრუნველყოფის შესახებ ბრიფინგი გამართა. დღეს, მიმდინარე შუალედური და რიგგარეშე არ