საზოგადოება

მირზა სუბელიანი ჩემთან სახლში იყო მოსული, ბიბლია გადმოგვცა საჩუქრად და წმინდა გიორგის ხატი ბავშვის სახელზე - ზაზა სარალიძე

ხორავას ქუჩაზე მოკლული მოზარდის მამის, ზაზა სარალიძის განცხადებით, პროკურატურის ყოფილი მაღალჩინოსანი მირზა სუბელიანი მასთან სახლში მივიდა, ოჯახს ბოდიში მოუხადა და საჩუქრად ბიბლია და ხატი გადასცა.

მისივე თქმით, ის იმ დროს სახლში არ იმყოფებოდა.

„მირზა სუბელიანი ჩემთან სახლში იყო მოსული. ეს მოხდა მისი შვილის დაკითხვის შემდეგ. სასამართლო პროცესზეც მომიბოდიშა, მომისამძიმრა. სახლში როცა იყო მოსული, სამწუხაროდ, მე არ ვიყავი, ჩემი მეუღლე იყო. ბოდიშის მოხდის და მოსამძიმრების მიზნით მოვიდა. ბიბლია გადმოგვცა საჩუქრად და წმინდა გიორგის ხატი ბავშვის სახელზე. დანარჩენი არანაირი კომუნიკაცია არ გვქონია, გარდა იმისა, რომ ტელეფონით მირეკავდა სახლში მოსვლამდე, იმის დადგენა უნდოდა, სახლში ვიყავი თუ არა და ისევ და ისევ მიბოდიშებდა, რომ ალბათ, რაღაც შეცდომა დავუშვი ბავშვის აღზრდაშიო“, - განაცხადა სარალიძემ.