უკან

მოზაიკა

16 ივნისი, 2018 14:10
font-size

მისი აღმატებულება BENTLEY

კეთილი იყოს თქვენი მობრძანება იმ სამყაროში, სადაც შეუძლებელი არაფერია.

საუბარია ინგლისის ერთ-ერთ ღირსშესანიშნაობაზე: მისი აღმატებულება “ბენტლი“ - სწორედ ასე მოიხსენიებენ ლეგენდარულ საავტომობილო ბრენდს, რომლის ისტორიაც უკვე საუკუნეს ითვლის.

დიდ ბრიტანეთში, მანჩესტერთან ახლოს, პატარა ქალაქში კრუში დარსებული ავტოსაწარმო სამეფო კარის წარმომადგენელთათვის წლების განმავლობაში ქმნიდა ავტომობილებს. ბრენდს დიდი ისტორია აქვს, რომელიც ინგლისში ჯერ კიდევ 1919 წლიდან იწყება.

საუკუნის წინ შექმნილმა ბრენდმა საქართველოს კარსაც მოუკაკუნა და დღეს ჩვენს ქვეყანას აქვს იმის ფუფუნება, რომ იყოს “ბენტლის“ ოფიციალური წარმომადგენელი.

ლუქს-კლასის საავტომობილო ბრენდის დიდ ოჯახს “ომეგა მოტორ ჯგუფი“ 2017 წლის დეკემბერში შეემატა და აღმაშენებლის ხეივანზე ბრენდის შოურუმი და სერვისცენტრი გახსნა. “ომეგა მოტორ ჯგუფი“, “ომეგა ჯგუფში“ შემავალი კომპანიაა, რომლის დამფუძნებელიც ზაზა ოქუაშვილია.

“ბენტლის შემოყვანით კომპანიამ დიდი განაცხადი გააკეთა. ამით საქართველოში ახალი ბაზა შეიქმნა, რადგან ასეთი სეგმენტის საავტომობილო ბრენდი საქართველოს ბაზარზე არასოდეს ყოფილა“, - ამბობს ზაზა ოქუაშვილი.

ის, რომ ბრიტანული ავტომობილების გვირგვინის ოფიციალურ წარმომადგენელთა სიაში საქართველოც გამოჩნდა, პრესტიჟიც არის და იმის დასტურიც, რომ ამ ქვეყანაში შესაძლებელია ინვესტირება და რომ ეკონომიკის მხრივ საინტერესო ქვეყანაა“, - ამბობენ “ბენტლი თბილისში”.

გზა, ინგლისის ჩრდილოეთ ნაწილიდან თბილისამდე “ბენტლის“ მენეჯერებისა და “ომეგა მოტორ ჯგუფის“ პარტნიორობით შეთანხმდა. “ბენტლი თბილისის“ შოურუმი დაუვიწყარი თავგადასავლების სამყაროში მოგზაურობას ჰგავს, რადგან იქ “ბენტლის” მოდელების სრული ხაზია წარმოდგენილი:

“Mulsanne“ - ოჯახის ყველაზე საამაყო, უმაღლესი კლასის პროფესიონალების მიერ ხელით შექმნილი ხელოვნების ნიმუშია, რომელიც წარმატებული, ხვალინდელ დღეში დარწმუნებული ადამიანებისთვისაა განკუთვნილი.

“Continental GT “ ბრენდის ღირსეული წარმომადგენელი, რომელიც “ბენტლის” სარბოლო წარმატებების სულითაა გაჟღენთილი...

“Bentayga“ - შექმნილი დაუვიწყარი შეგრძნებებისთვის...

“Flying Spur“ - სიმდიდრისა და დინამიკის იდეალური ნაზავი - ინოვაციური ტექნოლოგიებისა და თანამედროვე დიზაინის სრულყოფილი შერწყმის შედეგად შექმნილი ავტომობილი.

“რა თქმა უნდა, არსებობს სხვა ავტომობილები, რომლებიც მდიდრული არის, სპორტულიც, მაგრამ “ბენტლი“ - ეს არის ავტომობილების ხაზი, რომელიც ორივე ფაქტორს აერთიანებს, რომელიც ცხოვრების ყველა დონეს ერგება, არის წარმომადგენლობითი და რომელიც შიდა ინტერიერის დიზაინითა და მართვით მოგანიჭებთ სიამოვნებას. აი, ეს გამოარჩევს “ბენტლის” სხვა ავტომობილებისგან.

“ბენტლის” მესვეურების მთავარი ამოცანაა, შეინარჩუნონ ისტორიული საფუძვლები, ამიტომაც ავტომწარმოებლები ცდილობენ, მოდელების დიზაინი არ იყოს დაშორებული უოლტერ ოუენ ბენტლის პრინციპებსა და დიზაინერულ ხედვას, რაც მთელი საუკუნეა, შარმსა და მიმზიდველობას უნარჩუნებს ამ ცნობილ ბრენდს.

“ბენტლის” სლოგანია - “იყავი არაორდინარული“, შესაბამისად, როგორც მთელი მსოფლიოს ავტომოყვარულებმა, ისე ჩვენმა მომხმარებელმა იციან ფუფუნებისა და კარგი ცხოვრების გემო, ამიტომ “ბენტლი” ისეთი ადამიანებისთვის არის განკუთვნილი, რომლებსაც კარგი ცხოვრების დაფასების უნარი აქვთ... “ბენტლი” - ეს არის თავისუფალი აზროვნებისა და გადაწყვეტილების მიმღები ადამიანების არჩევანი“, - ამბობენ “ბენტლიში”.

“ომეგა მოტორ ჯგუფმა“, 20 წელზე მეტი გამოცდილების მქონე კომპანიამ, საუკუნოვანი გამოცდილების მქონე ბრენდი საქარველოს უკვე ოფიციალურად წარუდგინა. შედეგზე ორიენტირებული ადამიანებისთვის, “ბენტლი თბილისმა” ერთი თავგადასავალი უკვე მოაწყო - განსაკუთრებული სტუმრებისთვის და პარტნიორების- თვის, განსაკუთრებული ტესტ-დრაივი ჩატარდა, რომელმაც სტარტი დავით აღმაშენებლის ხეივანში აიღო.

ტესტ-დრაივზე წარმოდგენილი იყო “ბენტლის“ ორი განსაკუთრებული მოდელი - “ბენტაიგა“ და ხელნაკეთი “მულსანი“.

“მომსახურებასთან ერთად ჩვენს მომხმარებლებს ვთავაზობთ სერვისს, რაც არანაკლებ მნიშვნელოვანია. შოურუმში წარმოდგენილია “ბენტლის“ აქსესუარების სრული ხაზი: ჭიქები, კალმები, სუნამოები, ჩანთები, ტყავის ქურთუკები და ა.შ.. “ბენტლის“ მყიდველებისთვის შევქმენით luxury world member system, რაც ნიშნავს, რომ “ბენტლის” თითოეული მფლობელი ისარგებლებს დიდი ფასდაკლებით საქართველოს ხუთვარსკვლავიან სასტუმროებსა და რესტორნებში. ამით ჩვენს მომხმარებლებს გვინდა ვაგრძნობინოთ, რომ ისინი ჩვენთვის განსაკუთრებულები არიან.

იყო “ბენტლის“ მფლობელი - ეს უკვე დიდი გადაწყვეტილებაა, ამიტომ მომხმარებლები ყოველთვის საჩუქრებით იქნებიან განებივრებული. ასევე აღსანიშნავია სერვისი, რომელსაც “ბენტლის“ მყიდველებს ვთავაზობთ... ამაში დიდი ძალისხმევა ჩავდეთ: ჩვენმა ხელოსნებმა ინგლისელ ოსტატებთან გაიარეს ტრენინგი, რაც იმის გარანტიაა, რომ ჩვენს მომხმარებლებს პროფესიონალებთან ექნებათ საქმე, რომლებსაც ამ სფეროში ძირეული ცოდნა აქვთ“.

“ბენტლის“ ერთ- ერთ მთავარ სლოგანს ეს სიტყვები წამოადგენს: “ჩვენ, ქალბატონები და ბატონები, მზად ვართ მოგემსახუროთ თქვენ, ქალბატონებსა და ბატონებს...“

“ომეგა მოტორ ჯგუფიც“ იზიარებს ამ მიდგომას - ის მომხმარებლების სურვილების ასრულებაზე მაქსიმალურად არის ორიენტირებული. ამიტომ, ქალბატონებო და ბატონებო, “ბენტლი თბილისი” მზად არის გემსახუროთ თქვენ - ქალბატონებსა და ბატონებს.

forbes.ge

BENTLEY ახალი ხედვა GRAN TURISMO კლასის მომავალზე , წარმოდგენილია განსაკუთრებული მოდელით BENTLEY EXP 100 GT

15 ივლისი, 2019 , 14:53

BENTLEY EXP 100 GT , მსოფლიოში ყველაზე პოპულარული მდიდრული საავტომობილო ბრენდის 100 წლის იუბილის დღეს, განსაზღვრავს მდიდრული მოგზაურობის მომავალს. ახალი კონცეპტუალური ავტომობილი - ბენტლის მომავლის განსახიერება - განსაზ

სარგის კაკაბაძის არქივის გამოფენა გრძელდება

10 ივლისი, 2019 , 15:10

საქართველოს იუსტიციის სამინისტროს ეროვნული არქივის საგამოფენო პავილიონში მიმდინარე გამოფენა „სარგის კაკაბაძე“ აგვისტოს ბოლომდე გაგრძელდება. ექსპოზიციაზე წარმოდგენილია ისტორიკოსის, ფილოლოგისა და არქივისტის, სა

„წერის არქიტექტურა“ - შემოქმედებითი წერის მასტერკლასი სტუდენტებისთვის

9 ივლისი, 2019 , 15:45

ლევან ბერძენიშვილი, ანნა კორძაია - სამადაშვილი, ნატო ინგოროყვა, დავით გაბუნია და ზაალ ჩხეიძე  - ეს ის ადამიანები არიან, რომელთაც 6 და7 ივლისს თბილისის სახელმწიფო უნივერსიტეტში, ლიტერატურული კონკურსის ისტორიაში 

100 წლის იუბილის დღეს კომპანია BENTLEY წარადგენს GRAN TURISMO კლასის მომავალს

3 ივლისი, 2019 , 15:56

10 ივლისი, 2019 წელი, დღე როდესაც კომპანია Bentley Motors აღნიშნავს 100 წლის იუბილეს, ლეგენდარული ბრიტანული ავტო მწარმოებელი მსოფლიოს წარუდგენს Gran Turismo კლასის მომავალს. Bentley EXP 100 GT - წარმოადგენს, საუკუნოვან წ

ბენტლი თბილისის ტესტ-დრაივი კახეთში გაიმართა

2 ივლისი, 2019 , 10:25

კახეთში, ბენტლის 2019 წლის რიგით მეორე  ტესტ-დრაივი გაიმართა.  სტუმრებს განსაკუთრებულად სასიამოვნო გარემოში უმასპინძლა სასტუმრომ - „ყვარლის ედემი“. ტესტ-დრაივზე მოწვეული იყო ბენტლის საავტომობილო ბრე

“ომეგა მოტორსში” BMW ახალი X5 და პირველი X7 მოდელების პრემიერა გაიმართა

18 ივნისი, 2019 , 10:25

“ომეგა მოტორსი” 2019 წელს, დაარსებიდან 20 წლის იუბილეს აღნიშნავს. სიუბილეო თარიღის ფარგლებში, 14 ივნისს, თბილისში, კომპანიის სადილერო ცენტრში, BMW X7 და BMW X5 პრემიერა გაიმართა. საღამოს ესწრებოდნენ ქართველი

ვიდეო გალერეა

ზაზა ოქუაშვილი ახალი მასშტაბური კორუფციული სქემის შესახებ საუბრობს