კომენტარი

მიწა ეკონომიკურ აქტივობაში უნდა იყოს მაქსიმალურად და ეფექტიანად გამოყენებული - გიორგი გახარია

მიწა, როგორც ძირითადი აქტივი, მაქსიმალურად უნდა იყოს გამოყენებული ეკონომიკურ აქტივობაში, - განაცხადა ეკონომიკის მინისტრმა, გიორგი გახარიამ იმ კითხვის საპასუხოდ, მიიჩნევს თუ არა, რომ უცხოელებზე მიწის გასხვისება უნდა აიკრძალოს.

მისი თქმით, მთავრობა, მიზანშეწონილობის შემთხვევაში, უცხოელებზე მიწების გასხვისების დისკრეციას შეინარჩუნებს.

"ჩვენი პოზიცია გახლავთ იმაში, რომ მიწა, როგორც ძირითადი აქტივი, უნდა იყოს მაქსიმალურად გამოყენებული ეკონომიკურ აქტივობაში. ჩვენ ყველამ კარგად ვიცით, რომ არსებობს სხვადასხვა მიდგომები: ცოტა მკაცრი, უფრო ლიბერალური, მემარცხენე, მემარჯვენე და ა.შ. მაშინაც, როცა შეზღუდვა მოქმედებდა, არსებობდა გარკვეული ინსტრუმენტები და მთავრობას ჰქონდა დისკრეცია, უცხოური მფლობელობისთვისაც ნებართვები მიეცა მაშინ, როცა ეკონომიკურად მიზანშეწონილობის არგუმენტს დაინახავდა. მე ვფიქრობ, რომ ასე გაგრძელდება“, - განაცხადა გახარიამ.

ნინო ექვთიმიშვილი