მსოფლიო
მიუნჰენის სავაჭრო ცენტრზე თავდასხმა ორმაგი მოქალაქეობის მქონე 18 წლის ახალგაზრდამ განახორციელა
გერმანიის ქალაქ მიუნჰენის ერთ-ერთ სავაჭრო ცენტრზე თავდასხმა 18 წლის ახალგაზრდამ განახროციელა, რომელიც მარტო მოქმედებდა.
როგორც პრესკონფერენციაზე მიუნჰენის პოლიციის უფროსმა გუბერტ ანდრემ განაცხადა, თავდამსხმელს გერმანიისა და ირანის ორმაგი მოქალაქობა ჰქონდა და იგი მიუნჰენში რამდენიმე წლის განმავლობაში ცხოვრობდა.
BBჩ-ს ინფორმაციით თავდამსხმელის გვამი ტრაგედიის ადგილიდან რამდენიმე კილომეტრში იქნა ნაპოვნი, თუმცა ამჟამად უცნობია მან თვითმკვლელობით დაასრულა სიცოცხლე, თუ მისი ლიკვიდაცია პოლიციამ მოახდინა. ასევე უცნობია მისი ქმედების მოტივი.
შეგახსენებთ, რომ გუშინ საღამოს, მიუნჰენის სავაჭრო ცენტრ „ოლიმპიაში“ უცნობმა ცეცხლი გახსნა.
ხელისუფლების ინფორმაციით, თავდასხმას 9 ადამიანის სიცოცხლე ემსხვერპლა, 16 დაშავებულია, მათგან 3 კრიტიკულ მდგომარეობაში იმყოფება.