უკან

უახლესი ამბები

დღის კალენდარი

ანონსები

არქივი

პოლიტიკა

29 აპრილი, 2017 09:00
font-size

მივედი მივეცი ხმა X პარტიას, ამ პარტიამ ვერ გადალახა 5 %-იანი ბარიერი, მაგრამ ჩემი ხმა მიდის საერთოდ სხვა პარტიის ჯიბეში - გიორგი მარგველაშვილი

საქართველოს პრეზიდენტის განცხადებით, პარლამენტის არჩევის ახალი წესი სამართლიანი არჩევნების ძირითად ფუნდამენტურ პრინციპებს შინაარსობრივად არის აცდენილი და კონსენსუსი პირველ რიგში, ამ წესთან მიმართებაში უნდა იყოს მიღწეული.

აღნიშნული განცხადება პრეზიდენტმა ახალციხეში სტუდენტებთან შეხვედრაზე გააკეთა.

”რა ნაწილებში უნდა იქნას მიღწეული კომპრომისი? - პირველი და ყველაზე მნიშვნელოვანი, როდესაც მე ამ ახალ კონსტიტუციურ მოდელს ვუყურებ, ეს არის პარლამენტის არჩევის წესი - წესი, რომლის მიმართაც პოლიტიკურმა პარტიებმა გამოთქვეს სერიოზული შეშფოთება და წესი, რომელიც შინაარსობრივად არის, სამწუხაროდ, აცდენილი სამართლიანი არჩევნების ძირითად ფუნდამენტურ პრინციპებს: შენარჩუნებულია მაღალი 5 %-იანი ბარიერი, მაშინ როდესაც პოლიტიკურ პარტიებს მიაჩნიათ, რომ ბარიერი უნდა იქნას დაწეული. მაღალი 5 %-იანი ბარიერის პარალელურად პარტიებს ეკრძალებათ ბლოკების შექმნა. ამ შემთხვევაშიც პოლიტიკური პარტიები ამბობენ, რომ თუ ასეთ მაღალ პოლიტიკურ ბარიერს დაგვიწესებთ და არ მოგვცემთ შესაძლებლობას, რომ გავერთიანდეთ ერთმანეთთან, ჩვენ გაგვიჭირდება ამ ბარიერის გადალახვა. ეს მათი არგუმენტია, რომელიც მოსმენილი უნდა იქნას. მაგრამ ყველაზე უცნაური და რთული არის 5 %-ის ქვეშ რა პარტიებიც იქნება ანუ ხმები, რომლებიც არ გადავა პარლამენტში - ამ ხმების მითვისების სქემა შინაარსობრივად სრულიად გაუგებარი და გარკვეულწილად უსამართლოა.

წარმოდგენილი ვარიანტით ეს გაუნაწილებელი ხმები ყველა მიდის მოგებულ პარტიასთან. შევხედოთ ამას ამომრჩევლის თვალით - მივედი მივეცი ხმა X პარტიას, ამ პარტიამ ვერ გადალახა 5 %-იანი ბარიერი, მაგრამ ჩემი ხმა მიდის საერთოდ სხვა პარტიის ჯიბეში. ეს ხომ მარტივი უსამართლობაა? - ამაზეა პოზიცია დაფიქსირებული, რომ მიუღებელია ეს არა მარტო პოლიტიკური პარტიებისთვის, არამედ საზოგადოებისთვის, ამომრჩევლისთვის. ამ უსამართლო სისტემის შეცვლაზე ვფიქრობ კიდევ უფრო მეტი დიალოგი უნდა იყოს ამომრჩევლებთანაც და პოლიტიკურ ძალებთანაც,” - განაცხადა გიორგი მარგველაშვილმა.

მისივე თქმით, პოლიტიკური ცხოვრების მთავარი წარმმართველი არის ხალხის აზრი და პოლიტიკურად ამას ჰქვია დემოკრატია.

„მთავარი რისიც მწამს, რაც მჯერა, რაც ჩემი აზრით არის წარმმართველი პოლიტიკური ცხოვრების, ეს არის ხალხის აზრი და პოლიტიკურად ამას ჰქვია დემოკრატია. როდესაც გაჩნდა კითხვა, რა ახალი მთავარი კანონი უნდა მივიღოთ, ჩემთვის ბუნებრივი იყო, რომ თათბირი ამ ახალი კანონის თაობაზე დამეწყო საზოგადოებასთან. ბუნებრივი და კითხვის გარეშე იყო ის საკითხი, თუ როგორ უნდა მოვაწყოთ თანაცხოვრება, ამაზე პასუხი უნდა წამოსულიყო ხალხიდან. ძირითადი გადაწყვეტები კანონის მოწყობის თაობაზე უნდა ყოფილიყო დაფუძნებული დემოკრატიულ პრინციპებზე. ამას სრული გულწრფელობით ვამბობ, რადგან არ ყოფილა შემთხვევა ჩემს პოლიტიკურ ბიოგრაფიაში, რომ საზოგადოებასთან კონსულტაციის პრინციპი, ხალხის მიერ შეფასების მიცემის უნარი სადმე დამდგარიყოს კითხვის ნიშნის ქვეშ“, - განაცხადა გიორგი მარგველაშვილმა.

ნინო ექვთიმიშვილი

არჩევნების მეორე ტურის სამუშაო დღეს დანიშვნა ალბათ გაურთულებს ჩვენს დიასპორას არჩევნებში მონაწილეობის მიღებას - სალომე ზურაბიშვილი

14 ნოემბერი, 2018 , 17:00

„ქართული ოცნების“ მიერ მხარდაჭერილი საპრეზიდენტო კანდიდატის, სალომე ზურაბიშვილის ვარაუდით, თუკი არჩევნების მეორე ტური სამუშაო დღეს დაინიშნება, ეს ქართველ ემიგრანტებს პრობლემას შეუქმნის. „ჩემზე არ არის დ

აუდიტის სამსახური „ნაცმოძრაობის“ საწინააღმდეგო მოძრაობის ფინანსებს შეისწავლის

14 ნოემბერი, 2018 , 17:00

სახელმწიფო აუდიტის სამსახური „ერთიანი ნაციონალური მოძრაობის“ საწინააღმდეგო მოძრაობის ფინანსებს შეისწავლის. აღნიშნულთან დაკავშირებით აუდიტის სამსახურს არასამთავრობო ორგანიზაცეიებმა მიმართეს. „ნაციონალური

აშშ-ს ახალი ელჩის მოვალეობის შემსრულებელმა ერთ-ერთი პირველი შეხვედრა გიორგი გახარიასთან გამართა

14 ნოემბერი, 2018 , 17:00

ამერიკის შეერთებული შტატების ახლადდანიშნული ელჩის მოვალეობის შემსრულებელმა როს უილსონმა შინაგან საქმეთა სამინისტროში შეხვედრა გიორგი გახარიასთან გამართა. საქართველოს შინაგან საქმეთა სამინისტროს ინფორმაციით, გიორგი გახარი

ფინანსთა სამინისტროს პოზიცია არ პასუხობს მთავრობის პოლიტიკას და არ იმსახურებს სტუდენტების მხარდაჭერას -„ახალგაზრდა ადვოკატები“ -

14 ნოემბერი, 2018 , 16:35

„ახალგაზრდა ადვოკატები“ საქართველოს ფინანსთა სამინისტროს იურიდიული დეპარტამენტის მხრიდან სტუდენტების საშემოსავლო გადასახადისაგან გათავისუფლების საკითხზე, საქართველოს პარლამენტში წარდგენილ ორგანიზაციის საკანონ

საამაყოა,რომ ევროპარლამენტში საქართველომ უპრეცედენტოდ პოზიტიური შეფასებები მიიღო და ევროინტეგრაციის კუთხით, შეფასდა როგორც ყველაზე წარმატებული ქვეყანა - მამუკა ბახტაძე

14 ნოემბერი, 2018 , 16:00

მინდა, გამოვეხმაურო რეზოლუციას, რომელსაც ევროპარლამენტი დღეს უყრის კენჭს და ამასთან დაკავშირებით გუშინ ევროპარლამენტში გაკეთებულ ძალიან მნიშვნელოვან, საქართველოს მხარდამჭერ განცხადებებს, - განაცხადა საქართველოს პრემიერ-მ

ლევან იზორია GDRP-ის ფარგლებში 32-ე ბატალიონის დასკვნით საველე წვრთნას დაესწრო

14 ნოემბერი, 2018 , 16:00

საქართველოს შეიარაღებული ძალების III ქვეითი ბრიგადის 32-ე ქვეითმა ბატალიონმა საქართველოს თავდაცვის მზადყოფნის პროგრამის (GDRP) ფარგლებში დასკვნით საველე სწავლება ჩაატარა. თავდაცვის სამინისტროს ინფორმაციით, საველე წვრთნებ

ვიდეო გალერეა

შეტევა ტელეკომპანია `იბერიასა` და `ომეგა ჯგუფზე`