უახლესი ამბები
არქივი
პოლიტიკა
მივიღებთ რეგულაციებს, რომ არ დააპატიმრონ მარიხუანის მომხმარებლები - დიმიტრი ხუნდაძე
დღეს პარლამენტის ჯანდაცვის კომიტეტის სხდომაზე მარიხუანას მომხმარებელთა სისხლის სამართლებრივი პასუხისმგებლობისგან გათავისუფლებასთან დაკავშირებულ საკანონმდებლო პაკეტზე იმსჯელეს. კომიტეტის თავმჯდომარის, დიმიტრი ხუნდაძის განცხადებით,იქნება მიღებული რეგულაციები, რათა არ დააპატიმრონ მარიხუანის მომხმარებლები.
„ჩვენ გვქონდა აზრთა სხვადასხვაობა სესიაზე. ასევე, საპირისპირო აზრები გუნდშიც იყო. თუმცა, მივედით შეთანხმებამდე, რომ კულტივირების თემა იქნება ამოღებული კანონპროექტიდან და ავტორი ამას დათანხმდა. აგრეთვე საჯარიმო სანქციები იქნება შესაბამისი, რათა მივიღოთ რეგულაციები, რომ არ დავაპატიმროთ მარიხუანას მომხმარებელი. ეს ყველაზე მნიშნელოვანია. ასევე, საჯარიმო სანქციები უნდა იყოს ისეთი, რომ არათუ ხელი შეუწყოს ნარკომომხმარებელთა რიცხვისა და კონკრეტულად მარიხუანას მომხმარებელთა გავრცელებას, არამედ მის შემცირებას",-განაცხადა ხუნდაძემ.
სისხლის სამართლის კოდექსში შეტანილი ცვლილებების მიხედვით, თავისუფლების აღკვეთა არ იქნება გამოყენებული 70 გრამამდე გამომშრალი მარიხუანის, 140 გრამამდე ნედლი მარიხუანისა და 140 გრამამდე მცენარე კანაფის დამზადების, შეძენის, შენახვის, გადაზიდვისა და პირადი მოხმარების გამო.
ანა მებურისვილი