უახლესი ამბები
არქივი
პოლიტიკა
მივიღებთ შევარდნაძის დროინდელ ჭრელ პარლამენტს - თინათინ ბოკუჩავა უბარიერო არჩევნებზე
“ერთიანი ნაციონალური მოძრაობის“ წევრის, თინათინ ბოკუჩავას განცხადებით, 2020 წლის საპარლამენტო არჩევნების საარჩევნო ბარიერის გარეშე ჩატარების შემთხვევაში ქვეყანა „შევარდნაძის დროინდელ“ ჭრელ პარლამენტს მიიღებს, რომელიც ვერ იქნება ქმედითუნარიანი.
ბოკუჩავას თქმით, პატარა პარტიების წასახალისებლად, უმჯობესია, ბლოკებში გაერთიანების შესაძლებლობის შენარჩუნება.
„საქართველოს პოლიტიკური კულტურისა და ზოგადად დემოკრატიული ცხოვრების განვითარებისთვის ბევრად უფრო მნიშვნელოვანი იქნება დაბლოკების წესის შენარჩუნება, იმისათვის, რომ პატარა პარტიებს კვლავ ჰქონდეთ შესაძლებლობა, შევიდნენ პარლამენტში და ამასთანავე განვითარდეს პარტიული ცხოვრება.
იმ შემოთავაზებით, რასაც ხელისუფლება ახლა გვთავაზობს, მივიღებთ შევარდნაძის დროინდელ, ძალიან ჭრელ პარლამენტს, რომელიც არ იქნება ქმნედითუნარიანი და თითოეული პოლიტიკოსის მოსყიდვა კიდევ უფრო გაუადვილდება ბიძინა ივანიშვილს“, - განაცხადა ბოკუჩავამ.
შეგახსენებთ, გუშინ ქართულ მედიაში გავრცელებული ინფორმაციით, მმართველი პარტია ოპოზიციასთან შეთანხმების შემთხვევაში 2020 წლის საპარლამენტო არჩევნებზე გამონაკლისის სახით საარჩევნო ბარიერს მოხსნის.
როგორც შემდგომ საპარლამენტო უმრავლესობის წევრმა გია ვოლსკიმ განაცხადა, ამაზე საუბარი მმართველ გუნდში არ ყოფილა, თუმცა „ქართული ოცნება“ მზადაა, ოპოზიციას შეხვდეს და განიხილოს როგორც საარჩევნო ბარიერი, ასევე სხვა საკითხები.