კომენტარი

მივმართავ ახლად დანიშნულ მთავარ პროკურორს, რომ ეს საქმე შეიძლება იყოს მისი პირველი მთავარი გამოცდა - დავით უსუფაშვილი

იბერია ტვ-სა და ,,ომეგა ჯგუფზე“ ზეწოლის ფაქტებზე საქართველოს მთავარ პროკურატურას გამოძიების დაწყებისკენ მოუწოდებს, „შენების მოძრაობის“ ლიდერი და საპრეზიდენტო კანდიდატი დავით უსუფაშვილი.

„სრულიად ცალსახად ჩანს, რომ საქმე გვაქვს, რაღაც გრანდ-კორუფციულ გარიგების მცდელობასთან, რომელიც დაუყოვნებლივ უნდა იქნეს გამოძიებული.

მივმართავ ახლად დანიშნულ მთავარ პროკურორს, რომ ეს საქმე შეიძლება იყოს მისი პირველი მთავარი გამოცდა. აქ ჩვენ საქმე გვაქვს არამხოლოდ ბიზნესის და სახელმწიფოს ურთიერთობასთან, არამედ - მედიასთან.

გამოძიება არ უნდა იყოს რთული, ვინაიდან ამ პროცესში მონაწილე ერთი, მინიმუმ ერთი მხარე, ბატონი ოქუაშვილი არის მზად, რომ ბოლომდე ამხილოს ამ დანაშაულებრივ დაჯგუფებაში, თუ პროცესში მონაწილე ადამიანები,“- განაცხადა დავით უსუფაშვილმა.