უახლესი ამბები
- 23.04.2024 17:34კონტრაქცია ნიშნავს, რომ „ქართული ოცნების“ ბოლო ჟამია - სოფო ჯაფარიძე
- 23.04.2024 17:26კანონზე მსჯელობენ პოლიტიკური პარტიები პარლამენტში და არა ვიღაც გარედან, თუნდაც პარტნიორი, ოპოზიციამ კეთილი უნდა ინებოს და დაამტკიცოს, რომ კანონი არ არის კარგი - ირაკლი კობახიძე
- 23.04.2024 17:21ბიზნესი მხარს უჭერს „ქართულ ოცნებას“, ხელისუფლებას, იქიდან გამომდინარე, რომ ჩვენი უმთავრესი მიღწევა ამ ქვეყანაში არის ბიზნესის რეკეტის ერთხელ და სამუდამოდ დასრულება - ირაკლი კობახიძე
არქივი
პოლიტიკა
მხოლოდ პროკურორის გადადგომა არაა საკმარისი, უნდა დადგეს მთავრობის პასუხისმგებლობის საკითხიც - თინათინ ბოკუჩავა
„ერთიანი ნაციონალური მოძრაობის“ წევრი, თინათინ ბოკუჩავა აცხადებს, რომ პარტია იზიარებს „ევროპული საქართველოს“ მოთხოვნას საქართველოს მთავარი პროკურორის, ირაკლი შოთაძის გადადგომასთან დაკავშირებით, მაგრამ აგრეთვე უნდა დადგეს მთავრობის პასუხისმგებლობის საკითხიც.
„გენერალური პროკურორის გადაყენება ნამდვილად არაა საკმარისი. ხელისუფლება თავად ეძებს განტევების ვაცს იმისათვის , რომ ხელი შეახოცოს იმ ყველაფრისთვის, რაც დატრიალდა ე.წ. „ციანიდის საქმის“ ირგვლივ. მაგრამ ჩვენ შევუერთდებით ამ მოთხოვნას, მაგრამ აქ უნდა დადგეს მთლიანად მთავრობის პასუხისმგებლობის საკითხი“, - განაცხადა ბოკუჩავამ.
შეგახსენებთ, რომ გუშინ ოპოზიციურმა პარტიამ „ევროპულმა საქართველომ“ საპატრიარქოს ირგვლივ მიმდინარე მოვლენებთან დაკავშირებით საგანგებო ბრიფინგი გამართა, სადაც მოითხოვა მთავარი პროკურორის, ირაკლი შოთაძის გადადგომა. პარტიის ერთ-ერთი ლიდერის, დავით ბაქრაძის თქმით, შოთაძის „გაუაზრებელმა განცხადებამ ქვეყანა შეიყვანა გაუგებრობაში“.
ბაქრაძემ ასევე განაცხადა, რომ პარტია შოთაძის გადადგომაზე მუშაობას ორშაბათიდან შეუდგება, იგეგმება ხელმოწერების შეგროვებაც.
ანა მებურიშვილი