უახლესი ამბები
- 25.04.2024 11:11ჩვენ არ გვინდა ევროპა ქრისტიანობის გარეშე, ევროპა, სადაც სქესი არჩევითია, გვინდა ევროპა, რომელმაც იცის სუვერენიტეტის, იდენტობის, დემოკრატიის, ღირსებისა და ქრისტიანული მორალის ფასი - „ხალხის ძალა“
- 25.04.2024 10:43ჯგუფურად კომერციული მოსყიდვის ფაქტზე ერთი პირი დააკავეს, ხოლო ერთი ამხილეს
არქივი
პოლიტიკა
მმართველ გუნდში განიხილავენ საარჩევნო ბარიერის დაწევის საკითხს - გია ვოლსკი
საქართველოს პარლამენტის ვიცე-სპიკერის, გია ვოლსკის განცხადებით, მმართველ გუნდში განიხილავენ საარჩევნო ბარიერის 3 ან 4 %-მდე დაწევას.
დეპუტატმა აღნიშნა, რომ ის ბარიერის დაწევის მომხრეა, რადგან ეს საშუალებას მისცემს პარტიებს, განვითარდნენ და შენარჩუნდნენ პოლიტიკურ ასპარეზზე.
„ამ აზრის მოწინააღმდეგე მეუბნება, რომ ჩემი განწყობა ლოიალურია. ეს გასაგებია, მაგრამ ეს მიდგომა იმ იდეას აზიანებს, რომ პოლიტიკური ველი იმ პოლიტიკური ძალებისთვის ასპარეზი უნდა გახდეს, რომელთაც მძლავრი მხარდაჭერა აქვთ. არ შეიძლება, პარტიები სახელმწიფო ბიუჯეტიდან გარკვეულ და მნიშვნელოვან თანხებს მუდმივად ხარჯავდნენ და იმაზე არ ზრუნავდნენ, რომ პოლიტიკური პარტია იმდენად განვითარდეს, რომ არჩევნებში 5 % მაინც ვერ მიიღოს. ამ პრინციპს ვეთანხმები, მაგრამ ვფიქრობ, რომ 3 ან 4 % ისაა, რა მხარდაჭერითაც პარტიას პოლიტიკურ ველზე დარჩენა და დაფინანსების მიღება მაინც უნდა შეეძლოს.
რაც შეეხება პარლამენტში შემოსვლას, 4%-იანი ბარიერი იქნება, თუ 5 %-იანი, ამაზე მსჯელობა მიმდინარებს. ეს თემა აქტუალურია და სხვა ინფორმაცია არ მაქვს. თქვენ მკითხეთ, ეს საკითხი იხილება თუ არა, გიდასტურებთ, რომ იხილება“, - განუცხადა საზოგადოებრივს ვოლსკიმ.
ანა მებურიშვილი